Sumu 31:19 - Tonga Bible 1986

¹⁹ A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Sumu 31:19 Referans Kwoze

1 ŴaKorinte 2:9

Kweni nge ndimo kwalembeke, “Vyenivyo jiso lengavi kuviwona, ndi gutu lengavi kuvivwa mu mtima wa munthu vyengavi kubukamo, vyose vyo Chiuta waŵarongosole wo mbakumwanja.”

Yesaya 64:4

Kutuwa ku mwaka palivi yumoza wa kuziŵa pamwenga wakuvwapo ndi gutu, palivi jiso lo likuwona Chiuta pade paku imwe, mweniyo watataliya wo ŵalindizga paku iyo.

Yakobe 2:5

Vwani, mwa ŵabali ŵangu ŵakwanjiwa, asi Chiuta wajisankhiya ŵakavu mu charu kuŵa ŵasambasi mu chivwanu, ndi ŵakuhara ufumu weniwo wangupangana ku ŵakumwanja?

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 23:5

Murongoso gome paurongo pangu, mu maso gha ŵarwani ŵangu; mutu wangu mwawupaka ndi mafuta, chandi chanu chifuza.

2 ŴaKorinte 5:5

Kweni yo watichitiya chenichi chaviyo ndi Chiuta, mweniyo watipaska Mzimu nge nchamatomi cha umoyo wo utuza.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Yohane 3:21

Kweni yo ngwakuchita uneneska watuza ku Kungweruka ko, alinga kuti nchitu zake zirongoleke, kuti zachitikiya mwaku Chiuta.

Sumu 73:1

Nadi Chiuta ngwamampha kwaku Yisraele, kwaku wo mbakutowa mu mtima.

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.

Sumu 68:28

Rongoni nthazi yinu, A Chiuta, rongoni nthazi yinu, A Chiuta, yo mwatichitiya.

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

ŴaHebere 10:34

Chifukwa mungufwiya so lisungu ŵamagoŵa wo, ndipo mungukunthiyapo kwakukondwa muskowu wa viŵetu vinu, pakuziŵa kuti mwaŵeni mwe ndi chiŵetu chamamphako ndi chakujaririya.

Machitidu gha Ŵakutumika 15:12

Ndipo mzinda wo wose unguja chisisi; ndipo ŵategherezganga kwaku Barnaba ndi Paulo ŵachikonkhoma vyose visimikizgu ndi virwita vyo Chiuta wanguchitiya iwo mu ŵaMitundu.

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”