Sumu 31:18 - Tonga Bible 1986

¹⁸ Milomo ya utesi yichetamiskike, yo yikambiya phuzu pa ŵarunji mu kujikuzga ndi mu kuyeya.

Sumu 31:18 Referans Kwoze

Yuda 1:15

Kwachichitiya cheruzgu paku wose, ndi kwachipanikizgiya wose ŵambura uwopa Chiuta ndi nchitu zawo zakuura uwopa Chiuta, zeneizo watakatakiya kwambura uwopa Chiuta, ndipo ndi vinononu vyose vyenivyo ŵalakwi ŵambura kopa Chiuta ŵakamba paku iyo.”

Sumu 94:4

Mpaka zuŵanji ŵakajikuzganga ŵakuchita utimbanizi ndi kulankha mu maubendezi ghawo?

1 Samuele 2:3

Rekani kurongoro kwakujikuzga, kujirumba kureke kutuwa mu mlomo winu; pakuti Ambuya ndi Chiuta wa vinjeru, ndipo ndi iyo nchitu zose zipimika pa mweso.

Chivumbuzi 22:15

Kubwaro kwe ŵagaru, ndi vyanusi, ndi ŵareŵi, ndi ŵambanda, ndi ŵakusopa-ngoza, ndi yose wakwanja ndi wakuchita utesi.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

Machitidu gha Ŵakutumika 25:7

Ndipo wati waza, ŵaYuda wo ŵangusika ku Yerusalemu ŵanguma kwakusunguliya, ŵakutole paku Paulo vifukwa vinandi ndi vizitu, vyenivyo ŵengavi kuziŵa kupanikizga.

Yohane 8:48

ŴaYuda ŵangwamuka ndi ŵangumnene, “Asi tikamba kwakurunjika kuti we muSamaria iwe, ndipo we ndi demone?”

Yohane 8:44

Imwe mwe ŵa uskemwe diabolo yo, ndipo maulakalaka gha uskemwe ndigho mukhumba kuchita. Iyo wenga mubayaŵanthu kutuwa ku mtendeku, ndipo kuti wendi kanthu ndi uneneska cha, pakuti mulive uneneska mwaku iyo. Po warongoro utesi, warongoro vya umoyo wake: pakuti ndi mtesi ndipo ndi uskeu wa ŵatesi.

Mateyu 12:24

Kweni ŵati ŵavwa ŵaFarisi ŵanguti, “Uyu kuti watuzga ŵademone ndi kanthu kanyake cha kweni ndi Belzebule, fumu ya ŵademone.”

Yesaya 54:17

palivi chidya cho chapangikiya paku iwe chikachitanga kanthu, iwe ukasuskanga lilime lose lenilo litukuyukiya mu cheruzgu. Ichi nchihara cha ŵateŵeti ŵa Ambuya, ndi kurunjiskika kwawo kwakutuliya kwangu, atiti Ambuya.”

Nthanthi 12:19

Milomo ya uneneska yijaliriya muyaya, kweni lilime lakupusika nda nyengo yimanavi.

Sumu 120:2

nditaskeni, Ambuya, ku wakupusika ndiwakurandizga!

Sumu 63:11

Kweni karonga wakondwenge mwaku Chiuta; wose ŵakurapiya paku iyo ŵangarenge; chifukwa milomo ya ŵatesi yikajarikanga.

Sumu 59:12

Ŵakoreke mu kujikuzga kwawo, chifukwa cha kunanga kwa milomo yawo, ndi mazu gha mu milomo yawo. Chifukwa cha kutemba ndi mautesi gho ŵarongoro,

Sumu 12:3

Ambuya achekete milomo yose yauteremusi, lilime lo lirongoro vikuru vyakujikuzga,

2 Mikoka 32:16

Ndipo ŵanthu ŵake ŵanguwerezga so kukamba kutonyora Mbuya Chiuta pamoza ndi munthu wake Hezekiya.

Mateyu 10:25

Nkhwakukwaniya msambizi kuti waŵe nge ndi msambizgi wake, ndi mteŵeti nge ndi mbuyake. Asani mweninyumba ŵatimzumbuwa Belzebule, uli ukongwa kwakuruska ŵamunyumba yake?

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.