Sumu 31:14 - Tonga Bible 1986

¹⁴ Kweni ine ndigomezga mwaku imwe, Ambuya, ndititi, “Ndimwe Chiuta wangu.”

Sumu 31:14 Referans Kwoze

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 43:5

Wa wiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu ndi Chiuta wangu.

Mateyu 26:42

Kachiŵi wanguruta ndipo wanguromba, wakuti, “Ada, asani mukhumba, mutuzgeko kwangu nkhombo iyi, khumbo langu cha, kweni khumbo linu lichitike.”

Sumu 140:6

Ku Ambuya ndititi, “Ndimwe Chiuta wangu.” Avwani ku mazu gha kuŵeyere kwangu, Ambuya!

Mateyu 26:39

Ndipo pakurutiyapo kunthazi kamanavi, wanguwa kavunama, wakuromba ndi wakuti, “Ada, asani kungachitika, yindirutiriye nkhombo iyi: kweni uli ndimo ndikhumbiya ine cha, kweni mo mukhumbiya imwe.”

Sumu 63:1

A Chiuta, ndimwe Chiuta wangu, ndipenja imwe, mzimu wangu uparanthukiya imwe, mtima wangu wose unweka imwe, nge ncharu cha chiparamba chakuvuka chamburamaji.

Sumu 71:22

Ine nane ndikarumbanga imwe ndi bangwi, ndithokozenge kugomezgeka kwinu, mwa Chiuta wangu; ndimbiyenge marumbu kwaku imwe ndi kaligu, A Chiuta Mtuŵa Yumoza waku Yisraele.

Sumu 71:12

A Chiuta, rekani kuja patali ndi ine; mwa Chiuta wangu, tinthimikani kuzachindovya!

Yohane 20:17

Yesu wanena nayo, “Reka kundiko, chifukwa ndindakwere ku Ada; kweni kanga ku ŵabali ŵangu, kaŵanene, ndikwere ku Ada Auskemwe, kwaku Chiuta wangu ndi Chiuta winu.”

Mateyu 27:46

Ndipo akhumba pa ora lachinkhonde ndi chinayi wangubongo Yesu ndi mazu ghakuru, wakuti, “Eli, Eli, lama sabakatani?” Lo lititi, “Chiuta wangu, Chiuta wangu, chifukwa chine mwandisiya?”

Chiyambo 37:18

Wangumuwone patali, ndipo wenga wandazi kufupi kwawo ŵangupangana kumikana nayo kuti wamubaye.

Yeremiya 20:10

Pakuti ndituvwa ŵanandi ŵatokotezga. “Mantha ghe mu malo ghose! Musumuweni! Tiyeni timusumuwe!” Ndimu ghakambiya mabwezi ghangu ghose ghakuziŵirizgana nagho, ŵakulindizga kuwa kwangu. “Akhumba wakapusikikanga, penipo ndipo tingaziŵa kumupunda, ndi kumutayiya thayu lidu.”