Sumu 30:5 - Tonga Bible 1986

⁵ Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

Sumu 30:5 Referans Kwoze

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

Mateyu 5:4

“Mbakutumbikika ŵakutenje, pakuti iwo ŵasanguruskikenge.

Yesaya 26:20

Zaninga, mwa ŵanthu ŵangu, sereni muvipinda vinu, jarani visasa kuvuli kwinu, bisamani kwa nyengo yimanavi mpaka penipo ukari wakapo.

Sumu 103:9

Kuti akachenyanga nyengo yose cha, nanga nkhusunga kandundu kawo muyaya.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 63:3

Chifukwa chifundu chinu nchamampha kwakuruska umoyo, viyo milomo yangu yikarumbanga imwe.

Sumu 59:16

Kweni ine ndikoŵeriyenge nthazi zinu; ndikamburenge kukoŵere chifundu chinu ku mlenji. Chifukwa mwandiŵiya linga ndi chakudingang'amo mu, zuŵa la soka langu.

Sumu 46:5

Chiuta we mukati mwake, kuti usukunikenge cha; Chiuta wawovyenge kwambura kuswera.

Sumu 143:8

Ndigomekezga mwaku imwe; ku mlenji ndikumbuskeni vya chifundu chinu. Ndirongoni nthowa yo ndendengemo, marombu ghangu ghakwere ko kwinu.

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Chivumbuzi 22:17

Mzimu ndi Mwali wa nthengwa ŵatiti, “Zanga!” Ndipo mweniyo watuvwa wanene, “Zanga!” Ndipo mweniyo ngwanyota waze: yo ngwakukhumba waronde kwawezi maji gha umoyo.

Hoseya 6:3

Tiyeni tiziŵe, ndi tifwiririyepo kuziŵa Ambuya; kuruta kwawo nkhwambura kukayika nge nkhumatandakucha; azenge kwaku ifwe nge ndi vuwa, nge ndi vuwa yakudanga yo yizumbwiska charu.”

Chiyambo 32:24

Ndipo Yakobe wangujowoleka pakuyija; ndipo munthu wangukoana kulimbana nayo mpaka ku matanda kucha.

Chivumbuzi 22:1

Ndipo wangundirongo msinji wa maji gha umoyo, wakulangaliya ulaka ndi galase, langa-langa, wo utuliya ku chitengu-chaufumu chaku Chiuta ndi cha Mwana-mberere,

Chituwa 3:15

Chiuta wangunena nayo so Mosese, “Viyo ndimo ukanene ku ŵaYisraele, ‘Ambuya Chiuta wa auskemwe Chiuta waku Abrahamu, Chiuta waku Yisaki, ndi Chiuta waku Yakobe, wandituma kwaku imwe’; ili ndi zina langu muyaya, ndipo viyo ndimo ndikakumbukikiyanga mu migonezi yose.

Sumu 47:7

Pakuti Chiuta ndi karonga wa charu chose; mbani marumbu ndisumu!

Sumu 97:12

Kondwani mose mwa ŵakurunjika, chifukwa chaku vyo Ambuya achita!

Sumu 145:10

Nchitu zinu zose, Ambuya ziwongenge imwe, ndipo ŵatuŵa ŵinu ŵatumbikenge imwe!

Yesaya 12:1

Mwazamukamba mu zuŵa liya: “Ndiwongenge imwe, Ambuyamwe, chifukwa chingana mungundikaripiya, ukari winu watuwapo, ndipo sono mwandisangaruska.