Sumu 30:2 - Tonga Bible 1986

² A, Ambuya Chiuta wangu, ndingukutiya chovyo kwaku imwe, ndipo imwe mungundichizga.

Sumu 30:2 Referans Kwoze

2 ŴaKaronga 20:5

“Ng'anamukiya kuvuli, ndipo ukakambe kwaku Hezekiya fumu ya ŵanthu ŵangu, ‘Viyo atiti Ambuya Chiuta waku Davidi ausu: ndavwa kuromba kwako, ndawona masozi ghako, ehe, ndikakuchizganga, pa zuŵa la chitatu ukarutanga ku nyumba ya Ambuya.

Sumu 6:2

Ndichitiyeni wezi, A Chiuta, chifukwa nditomboroka ine; Ambuya, ndichizgeni, chifukwa vitenthema viwanga vyangu.

Sumu 147:3

Achizga mitima ya kusweka, ndi kumanga mabara ghawo.

Chituwa 15:26

anguti, “Asani nyengo zose mukavwiyanga mazu gha Ambuya Chiuta winu, ndi kuchita cho nchakurunjika pa maso pake, ndi kuphwere malangulu ghake ndi kusunga vyakukombo vyake vyose kuti ndiŵikengepo nthenda nanga njimoza pinu cha, zenizo ndikuŵika paŵa Egipiti, pakuti ndine Ambuya, ŵakukuchizga.”

Sumu 88:13

Ambuya, ine ndiliriya chovyo chinu; mlenji ndi mlenji ndiromba imwe.

Chiyambo 20:17

Sono Abrahamu wanguromba kwaku Chiuta, ndipo Chiuta wanguchizga Abimeleke, ndipo wanguchizga so muwoli wake ndi ŵaŵanda ŵanthukazi viyo kuti wangupapa ŵana.

Sumu 51:8

Ndizazeni chimwemwe ndi kukondwere; vyangare viwanga vyo mwaphwanya.

Sumu 118:18

Ambuya andilanga ukongwa, kweni kuti andipereka ku nyifwa cha.

Sumu 35:24

Nderuzgeni, Ambuya, Chiuta wangu, kwakulingana ndi urunji winu; ndipo ŵareke kundiwera!

Sumu 41:12

Imwe mwandikoreze chifukwa cha urunji wangu, ndipo mwandimiska pa maso pinu muyaya.

Sumu 145:1

Ndikankhuskenge imwe, Chiuta wangu ndi karonga; nditumbikenge zina linu muyaya ndi muyaya.