Sumu 30:11 - Tonga Bible 1986

¹¹ Imwe mwang'anamuwa kutenje kwangu kwaŵa kuvina; mwafwatuwa chigudulu changu ndipo mwandivwarika ndi likondwa;

Sumu 30:11 Referans Kwoze

Yeremiya 31:4

Ndikakuzenganga so, ndipo ukazengekanga, wa mwali we Yisraele! Ukajinozganga so ndi ŵazeze, ndipo ukarutanga kwachivina ndi ŵakusangaruka.

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

Wakutaula 3:4

nyengo yakuliriya, ndi nyengo yakuseke; nyengo yakutenjere, ndi nyengo yakuviniya;

2 Mikoka 20:12

Chiuta widu, kumbi kuti muŵeruzgenge cha? Chifukwa ifwe nthazi tilive kurwana ndi chimzinda chikuru cha viyo cho chatiziya. Chingana nkhuziŵa mo tingachitiya, kweni maso ghidu ghe kwaku imwe.”

Sumu 149:3

Ŵarumbe zina lawo ndi kuvina; kuŵarumba pakumba ng'oma ndi bangwe.

Sumu 150:4

Murumbeni ndi zing'oma ndi kuvina! Murumbeni ndi vya malisinga ndi fyoliro!

Luka 15:22

Kweni wiske wanguŵanene ŵaŵanda ŵake, ‘Ruŵi tonipo munjirira wakuruska, ndi mvwalikeni; ndipo ŵikani ndandati pa janja lake, ndi viyatu pa marundi ghake;

Sumu 30:5

Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

2 Samuele 6:14

Sono Davidi wanguvina paurongo pa Ambuya ndi nthazi yake yose; ndipo wangujichinyiya efodo wa bafuta.

Chivumbuzi 21:4

Ndipo waleskengeko sozi lose ku maso ghawo, ndi nyifwa kuti yikaŵangapo so cha; chingana nchitenje, chingana ndi nkhuta, chingana mburwirwi, kuti vikaŵangapo so cha: chifukwa vyakudanga vyo vyarutapo.”

Yesaya 61:3

kunozge wo ŵatenje mu Zioni kuŵapaska vivwalo vyakunozga mu malo mwa vyoto, mafuta gha likondwa mu malo gha kutenje, munjirira wa marumbu mu malo mwa mzimu wakulakatuka; mwakuti ŵadanikenge miti yaukongorekwa, wakupandika ndi Ambuya, alinga kuti akankhuskike.

Sumu 4:7

Imwe mwaŵika chimwemwe chikuru mu mtima wangu, kwakuruska chaku iwo penipo mbeu yawo ndi vinyo vyaŵa vinandi.

Yohane 16:20

Nadidi ndikuneneskiyani, muliyenge ndi mutenjenge imwe, kweni charu chikondwenge: muchitenge chisungu imwe, kweni chisungu chinu, chisandukenge chimwemwe.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

2 Mikoka 20:9

‘Asani uheni watiwiya, pamwenga lipanga, pamwenga cheruzgu, pamwenga nthenda, pamwenga chilara, ifwe timenge paurongo pa nyumba iyi ndi paurongo pinu, pakuti zina linu lemu nyumba iyi, ndi kuririya kwaku Imwe musuzgu yidu, ndipo Imwe mutivwenge ndi kutitaska.’

Yesaya 25:3

Chifukwa ichi ŵanthu vilimbi ŵakakankhuskanga imwe; misumba ya mitundu ya nkhaza yopenge imwe.

Estere 9:22

pakuti ndi mazuŵa mwaku ghenigho ŵaYuda ŵangupumuwa ku ŵarwani ŵawo mwezi weniwo chitima chawo chingusanduka chimwemwe, ndi kutenje kungusanduka zuŵa lamampha; kuti ŵaghasunge kuŵa mazuŵa gha dghera, ndi chimwemwe, ndi ghakutumirana vyawezi ndi kupaska ŵasauchi vyawanangwa.

Nehemiya 8:10

Sono ŵanguti kwaku wo, “Rutaninga kwinu, kargheninga mafuta ndi kamweninga vinyo wakunowa ndipo vinyake mukatumiyenge yo walivi kujilongosore; pakuti zuŵa ili ndakupaturika ku Ambuya widu; ndipo mungaŵanga ŵachitima cha, pakuti chimwemwe cha Ambuya ndi nthazi yinu.”

Chiyambo 45:28

ndipo Yisraele wanguti, “Mphenapa, Yosefe mwana wangu ngwamoyo, ndirutenge kwachimuwona, ndenga ndindafwe.”

Chiyambo 37:35

Ŵana ŵake ŵanthurumi wose ndi ŵana ŵake ŵanthukazi wose ŵanguruta kwachimusangaruska, kweni wangukana kusangaruskika, ndi wanguti, “Awa, ine ndikayanga ku muunda ku mwana wangu ndi kutenje.” Viyo ndimu ŵangumutenjere awiske.

2 Mikoka 20:3

Ndipo Yehosafati wangutenthema wangujilongosole kupenja Ambuya wangumemeza kufunga kurgha mwaku Yuda yose.

Sumu 27:7

Avwani, Ambuya po ndibongo kwa nthazi, ndichitiyeni wezi mundamuke!

Yeremiya 52:33

Viyo Yehoyakini wanguzuwa vivwaro vyake vya ukaidi. Ndipo zuŵa ndi zuŵa mu umoyo wake wangurgha kurgha pa gome la karonga;