Sumu 3:7 - Tonga Bible 1986

⁷ Sokani, Ambuya mwe! Nditaskeni mwa Chiuta wangu! Pakuti Imwe mwakoso ŵarwani ŵangu wose pa dakama, mwaphwanya minyu gha ŵaheni.

Sumu 3:7 Referans Kwoze

Sumu 58:6

A Chiuta, phwayani minyu mu milomo yawo; bongondoni vibwanyu vya zinkharamu za mpupuka, Ambuyamwe!

Jobu 29:17

Ndinguswa vimangiro vya minyu gha muheni, ndikumuchita kuti wambotoske chavu cha minyu ghake.

Jobu 16:10

Ŵanthu ŵandiyasamiya milomo yawo, ŵandipamantha pa dakama kwakuyeya, ŵawunjikana pamoza kumikana nani.

Sumu 59:5

Imwe, Ambuya Chiuta wa maŵanja, ndimwe Chiuta waku Yisraele. Yukani langani mitundu; rekani kusiyapo nanga njumoza wa ŵakuchita uheni mwakupusika.

Sumu 10:12

Sokani, Ambuya; Chiuta mwe, soskani janja linu; mungaruwa wakusuzgika.

Yesaya 51:9

Yukani, Yukani, vwarani nthazi, mwa janja la Ambuya; yukani, nge ndimu mazuŵa ghamwaka, migonezi yakale ukongwa. Kumbi kuti ndimwe cha mungudumuwa Rahabi tumanatumana, mungulasa cha nchalinda?

Sumu 7:6

Sokani, Ambuya, mu ukari winu, mujiyinuskiye pakumikana ndi ukari wa ŵakupindikana nane, yukani, A Chiuta wangu, imwe mwamika cheruzgu.

Sumu 6:4

Weni, Ambuya, taskani umoyo wangu; nditaskeni chifukwa cha chanju chinu chikuru.

Chitenje 3:30

wang'anamukiye dakama lake ku wakumupuma, ndi wazazike ndi kunyozeka.

Sumu 76:9

po Chiuta wangusoka kupereka cheruzgu, kutaska wose ŵakukandirizgika mu charu.

Sumu 74:11

Chifukwa nchine mwakana kutovya? Chifukwa nchine mumangiya manja ghinu ku msana?

Sumu 44:23

Yukani, Ambuya! Kumbi mugoniyanji? Sokani! Rekani kutijowo muyaya!

Sumu 35:23

Mujiyuskiye muchanya, ndipo yukani pa urunji wangu, pa mlandu wangu, mwa Chiuta wangu ndi Mbuyangu!

Sumu 12:5

“Chifukwa ŵakavu ŵaskoŵeka, ŵasauchi ŵatamantha, sono ndisokenge,” atiti Ambuya; “Ndimuŵikenge mu kufwasa mwenimo iyo wanweka.”

Habakuku 2:19

Soka kwaku yo wanena ku chimuti chakusemeka, Yuka; ndi ku mwa wambuwu Ima! Kumbi ichi chingapereka uvumbuzi? Wona, nchakumatika ndi golide ndi siliva, mulivi muvuchi mukati chingana nkhamana.

2 Samuele 18:8

Nkhondo yingutandazikiya pa chisku chose cha charu chiya ndipo lisuwa lingumara ŵanthu ŵanandi zuŵa liya kuruska ŵakubayika ndi lipanga.

Sumu 27:3

Nanga lingandigoŵe liŵanja la nkhondo, mtima wangu kuti ukatenthemanga cha; nanga yitindiyukiya nkhondo, kweni ndipuuli ndikagomekezganga mbwenu.