Sumu 3:5 - Tonga Bible 1986

⁵ Ine ndingugona pasi ndingura tulo; ndinguyuka so, chifukwa Ambuya atindivikiriya.

Sumu 3:5 Referans Kwoze

Sumu 4:8

Mu chimangu ndigonenge pasi ndi ndirenge tulo; chifukwa imwe mwija, A Chiuta, mutindijariska mwakufwasa.

Nthanthi 3:24

Asani ukajanga pasi, kuti ukawopanga cha; uchigona pasi tulo twako tukanowanga.

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

ŴaLevi 26:6

Ndikapaskanga chimangu mu charu mwakuti mukaranga pasi kwakufwasa, ndipo paulengevi nanga njumoza wakumofyani. Ndikatuzgangamo vikoko vyakofya mu charu ndipo lipanga kuti likaporotanga mu charu chinu cha.

Nthanthi 18:10

Zina la Ambuya ndi sonjo wakurama; munthu murunji wachimbiriya mwenimo wabisama.

Sumu 127:2

Nkhwaŵaka kuyuka ndi mlenji ndi kuswera pakugona, kutakataka ukongwa chifukwa cha kurgha; chifukwa Ambuya apaska chipumulu kwaku ŵeniwo atanja.

Nthanthi 14:26

Mu kopa Ambuya munthu wendigomezgu la nthazi, ndipo ŵana ŵake ŵakaŵanga ndi pakubisama.

Sumu 66:9

Watisunga ifwe mukati mu ŵamoyo, ndipo kuti watizomerezga kuwa cha.

Machitidu gha Ŵakutumika 12:6

Ndipo penipo Herode wakhasanga kumtuzga, usiku wuwa Petro waranga tulo pakati pa ŵankhondo ŵaŵi, wakumangika ndi maunyoru ghaŵi: ŵaronda so ŵa paurongo pa likomo ŵakhazganga ulinda wo.

Sumu 34:5

Lereskani kwaku iwo, mungweruskike; viyo visku vinu kuti vikaŵanga ndi soni cha muyaya.