Sumu 29:11 - Tonga Bible 1986

¹¹ Ambuya paskani nthazi ku ŵanthu ŵinu! Ambuya tumbikani ŵanthu ŵinu ndi chimangu!

Sumu 29:11 Referans Kwoze

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

2 ŴaTesalonika 3:16

Sono Mbuya mweneko wa chimangu wakupaskeni chimangu nyengo zose mu karusu kose. Ambuya ŵaŵe namwe mose.

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Yohane 16:33

Ndakukambiyani vyenivi, alinga kuti mwaku ine muŵe ndi chimangu, mu charu mwe ndi suzgu: kweni khwimani mtima; ine ndachipunda charu.”

Yesaya 40:29

Wapaska nthazi ku wakugongowa ndipo kwaku yo walivi likongono wakuzgiyako nthazi.

Sumu 68:35

Nkhofya uli kwaku Chiuta mu malo ghake ghakupaturika, Chiuta waku Yisraele! Wapaska nthazi ndi mazaza ku khamu lake. Tumbikani Chiuta!

Sumu 37:11

Kweni ŵakuzika ndiwo ŵakaharanga charu, ŵakondwenge mu chimangu chikuru.

1 ŴaKorinte 1:3

Wezi kwaku imwe ndi chimangu kutuwa kwaku Chiuta Auskefwe ndi ku Ambuya Yesu Kristu.

ŴaRoma 14:17

Chifukwa ufumu waku Chiuta kuti mbunkharghi ndi unkhamwi cha, kweni urunji ndi chimangu ndi chimwemwe mu Mzimu Wakupaturika.

Yohane 14:27

Chimangu ndikusiyiyani; chimangu changu nditukupaskani, ine kuti nditukupaskani uli ndimo charu chipaskiya cha. Ungakweŵekanga mtima winu cha, chingana nkhutenthema cha.

Zekariya 10:12

Ndipo ndiŵakhozgenge mu Ambuya ndipo ŵakakankhuskikanga mu zina lake,” atiti Ambuya.

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

Zekariya 10:6

“Ndipo ndikhozgenge nyumba yaku Yuda, ndi nditaskenge nyumba yaku Yosefe. Ndizenge so nawo; chifukwa nde nawo ndi lisungu, ndipo ŵakaŵanga nge ndengavi kuŵajowo; chifukwa ine nde Ambuya Chiuta wawo ndipo ndiŵamukenge.

Sumu 72:3

Charu chikondwe chisakatiskike; chiziŵe wo mburunji.

ŴaEfeso 2:17

ndipo wanguzamtauliya chimangu kwaku imwe mwaŵakutari, ndi kwaku wo ŵakufupi:

Sumu 85:8

Ndivwenge cho Chiuta Ambuya akakambanga, pakuti akambenge chimangu ku ŵanthu ŵawo, ku ŵatuŵa ŵawo, kwaku ŵeniwo ŵang'anamukiya kwaku iwo mu mitima yawo; asani tirekenge kuwere ku nthowa zidu ziheni.

Sumu 84:7

Ŵakuliya-ukuliya munthazi ŵachiruta; mu Zioni ŵakawonanga Chiuta wa ŵachiuta.

Chivumbuzi 1:4

Yohane ku mipingu yinkhonde ndi yiŵi yamu Asia. Wezi kwaku imwe, ndi chimangu, kutuwa kwaku yo waliko ndi yo wengako ndi yo watuza; ndi kutuwa ku Ŵazimu ŵankhonde ndi ŵaŵi wo ŵe paurongo pa chitengu chake chaufumu,

Sumu 85:10

Chanju chakufikapo ndi ukongorekwa vyaziya pamoza; urunji ndi chimangu vyakumana.

2 Timote 4:17

Kweni Mbuya iyo wangumapo pamoza nane, ndipo wangundikhomeska; alinga kuti mwaku ine mumemezu wo ufiskike, ndipo kuti ŵanguvwa ŵaMitundu wose: ndipo ndingutaskika ku mlomo wa nkharamu.

Sumu 72:7

Urunji usapatiye mu mazuŵa ghose gha umoyo wake, ndipo usakati ulutiriye pose po mwezi uŵaliya.

Yesaya 26:12

Ambuya mwe, mukatichitiyanga chimangu ifwe, mwatilongosole ifwe nchitu zidu.