Sumu 28:5 - Tonga Bible 1986

⁵ Chifukwa kuti ŵaphwere nchitu za Ambuya cha, pamwenga nchitu za manja ghawo, aŵabwanguduliyenge pasi ndipo kuti aŵazengenge so cha.

Sumu 28:5 Referans Kwoze

Yesaya 5:12

Ŵendi kaligu ndi bangwi, mtangala fyorilo ndi vinyo pa madghera ghawo; kweni kuti ŵaphwereko machitidu gha Ambuya cha: pamwenga kuwona nchitu za manja ghawo.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Yohane 12:37

Kweni chingana wanguchita visimikizgu vyenivinandi viyo paurongo paku wo, kuti wanguvwana mwake cha;

Sumu 10:5

Nyengo zose nthowa zake zisakata; vyeruzgu vinu vye pachanya, patali ndi iyo; ŵarwani ŵake wose, wati ŵanyoza.

2 Samuele 7:13

Wakazengiyanga nyumba zina langu ndipo ndikakhozganga chitengo cha ufumu wake muyaya.

ŴaRoma 1:20

Chifukwa kutuwa ku ulengi wa charu vyambura kuwoneka vyake, ndivyu nthazi yake yamuyaya ndi so uChiuta wake, viwoneke limu, pakuteskeka mu machitidu ghake, viyo yaŵa ŵanthu mbambura mphandira.

Hoseya 14:9

We yose yo ngwazeru, wawemo vinthu ivi, we yose yo ngwakuchenje waziŵi ivi, chifukwa nthowa za Ambuya zakunyoroka ndipo wakurunjika watenda mwakuzo, kweni ŵabudi ŵaguŵamo.

Yeremiya 31:4

Ndikakuzenganga so, ndipo ukazengekanga, wa mwali we Yisraele! Ukajinozganga so ndi ŵazeze, ndipo ukarutanga kwachivina ndi ŵakusangaruka.

Yesaya 45:18

Pakuti viyo atiti Ambuya, mweniyo wangulenga machanya (ndiyo Chiuta), mweniyo wangwata charu chapasi ndi wanguchita (wanguchikhozga; kuti wanguchilenga chakutimbanizgika cha, wanguchichitiya kujamo!): “Ndine Ambuya, palivi munyake.

Yesaya 45:12

Ndinguchita charu chapasi, ndipo ndingulenga munthu paku cho; ndi manja ghenigho ghangutambaruwa machanya, ndipo ndingulangula maŵanja ghawo ghose.

Yesaya 45:8

“Yoyoskani, mwa machanya mwe kutuliya kuchanya, ndipo mudengwendi mung'iye pasi urunji; charu chapasi chijurike, kuti utaski ubuke, ndipo chimezge so urunji; ine Ambuya ndine ndikuchilenga.

Yesaya 40:26

Yinuskiyani maso ghinu kuchanya mulereske: njani wangulenga ivi? Mweniyo watuzga liŵanja lawo ndi kuliŵerenga, watividana vyose mazina; ndi ukuru wa kulimba kwake; ndipo chifukwa ngwakulimba mu nthazi palivi cho chisoŵapo.

Yesaya 22:11

Munguchita chakusungamo maji pakati pa malinga ghaŵi gha maji gha chisima chakale. Kweni kuti mungulereska kwaku yo wanguchichita cha chingana nkhumuphwere yo wanguchinozga umampha mu mazuŵa gharuta.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

1 ŴaKaronga 11:38

Ndipo asani ukavwiyanga vyose vyo nditukulanguliya, ndipo ukendanga mu nthowa zangu, kuchita chenicho nchakurunjika mu maso ghangu pakusunga marangu ghangu ndi malangulo ghangu, ulaka ndimo wanguchitiya Davidi muŵanda wangu, ndikaŵanga nawe, ndipo ndikuzengiyenge nyumba yeneko, nge ndimo ndinguzenge nyumba yeneko, nge ndimo ndinguzenge Davidi, ndipo ndikupaskenge Yisraele.

2 Samuele 7:27

Pakuti imwe, O, Ambuya ŵa maŵanja Chiuta waku Yisraele, mwachita uvumbuzi uwu kwaku ndamteŵeti winu, mwakuti, ‘Ndikuzengiyeni nyumba,’ ndicho chifukwa chake ndamteŵeti winu ndasaniya chinganga kuromba rombo ili kwaku imwe.

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Sumu 8:3

Po ndilereska machanya ghinu, nchitu ya manja ghinu, mwezi ndi nyenyezi vyo mukumika.