Sumu 27:6 - Tonga Bible 1986

⁶ Ndipo sono mutu wangu ukasoskeki yanga pachanya pa ŵarwani ŵangu ŵakundizunguliya; ndipo muhema lawo ndiperekenge sembe mwakukambura ndi likondwa. Ndimbenge ndipo ndikoŵeriyenge Ambuya.

Sumu 27:6 Referans Kwoze

Sumu 3:3

Kweni imwe, Ambuya, mwe nguru kwakundizunguliya, unkhankhu wangu, ndi wakuyuska mutu wangu.

ŴaHebere 13:15

Viyo mwaku iyo tipereke kwaku Chiuta rutaruta sembe yakuthamikiya, ndiyo chipasi cha milomo yakuzomerezga Zina lake.

Sumu 107:22

Nadi ŵapereke sembe za kuwonga, ndi kutaula nchitu zawo mu sumu za chimwemwe.

Yesaya 12:6

Bongoni, ndipo mbani ndi chimwemwe, mwa ŵakuja mu Zioni, pakuti mukuru mukati mwinu ndi Mtuŵa Yo waku Yisraele.”

2 Samuele 22:49

yo wangundituzga mu ŵarwani ŵangu; imwe mungundikwezge pachanya pa ŵakupindikana nane, imwe mungunditaska ku ŵanthu ŵa mbembe.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Chivumbuzi 5:9

Ndipo ŵambanga sumu zifya, ŵakuti, “Wakwenere ndimwe kuto buku lo, ndi kumatuwa vizighiri vyake: pakuti mungubayika, ndipo mwaŵawombole kwaku Chiuta ndi ndopa zinu ŵanthu ŵamu fuku lose, ndi karongoroledu, ndi khamu ndi mtundu;

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

Sumu 95:1

Zaninga, tiyeni timbiye Ambuya; tiyeni tikoŵere jarawi la utaski widu!

2 Samuele 7:9

ndipo ndaŵa nawe kose ko unguruta, ndi kudumuwa ŵarwani ŵako wose paurongo pako; ndipo ndikuchitenge kuti zina lako liŵe likuru nge ndi zina la ŵanthu ŵakuvwika ŵacharu cha pasi.

Yeremiya 31:7

Pakuti atiti viyo Ambuya: “Kamburiyani Yakobe ndi chimwemwe, ndipo yuskiyani kukamburiya fumu ya mitundu; memezani, paskani rumbu, ndipo munene, ‘Ambuya ataska ŵanthu ŵawo, ŵakujapo ŵa ŵaYisraele.’

Sumu 138:5

Ŵakambiyanga paku vyo Ambuya atata, ndi pa unkhankhu wawo ukuru.

Sumu 110:7

Karonga wakamwanga maji mu msinji wapa nthowa, ndipo ndi nthazi wakamanga mwa upundi.

Sumu 81:1

Kamburiyani Chiuta nthaziyidu; mbani marumbu ku Chiuta waku Yakobe!

Sumu 47:1

Mwa ŵanthu mose kuŵammanja! Bongoliyani Chiuta ndi kukambura mu sumu za kukondwa!

Sumu 21:13

Mutumphuskike, Ambuya mu nthazi zinu! Timbenge ndi kutumbika mazaza ghinu.

Sumu 21:1

Ambuya, mwe, karonga wakondweriyenge mu nthazi zinu; ndipo mu chovyo chinu wakwezgeka ukongwa!

1 Mikoka 22:18

“Kumbi Ambuya Chiuta winu we namwe cha? Kumbi kuti wampumuzgani cha kose-kose? Awonani wapereka ŵenicharu mu janja langu; ndipo charu chathereskeka pa maso pa Ambuya ndi ŵanthu ŵawo.

2 ŴaKaronga 25:27

Ndipo mu chirimika cha machumi ghatatu pachanya ghankhonde ndi viwi cha uŵanda waku Yehoyakini karonga waku Yuda, mu mwezi wa chumi ndi yiŵi, pa zuŵa la machumi ghaŵi pachanya ghankhonde ndi ghaŵi gha mwezi, Evili-merodaki karonga wa Babiloni, mu chirimika cho wangwambiyamo kuwusa, mu lisungu likuru wangupaska wanangwa Yehoyakini karonga waku Yuda wangumufwatuwa mu nyumba ya magoŵa;

2 Samuele 22:1

Ndipo Davidi wangukamba ku Ambuya mazu gha sumu iyi pa zuŵa lo Ambuya angumupozomoske ku janja la ŵarwani ŵake wose, ndi ku janja laku Sauli.

Chiyambo 40:13

mu mazuŵa ghatatu Farao wakasoskanga mutu wako ndipo wakakuwerezgiyanga pa nchitu yako; ndipo ukaŵikanga kapu waku Farao mu janja lake nge ndi kale, penipo wenga wakupereka vinyo wake.

Chiyambo 40:20

Pa zuŵa la chitatu lenilo lenga zuŵa la kawi kaku Farao wangubikiya vyakurgha ŵateŵeti ŵake wose, ndipo wangusoska mutu wa wakupereka vinyo mura ndi mutu wa wakubika mura mukati mu ŵateŵeti ŵake.

Sumu 3:4

Ndidanirizga ukongwa ku Ambuya, ndipo atindimuka kutuliya mu phiri lawo lakupaturika.

Sumu 57:8

Yuka, mzimu wangu! Yuka, wabangwi ndi kaligu we! Ndiyukenge ndi chivivivi!

Sumu 119:108

Rondani mipasku yangu ya kurumba, Ambuya, ndipo ndisambizgeni vyeruzgu vinu.