Sumu 27:14 - Tonga Bible 1986

¹⁴ Lindizga Ambuya; uŵe wanthazi, khwima mtima; inya, lindizga Ambuya!

Sumu 27:14 Referans Kwoze

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.

Sumu 31:24

Muŵe ŵanthazi, ndipo khwimani mtima, mose mwa ŵakulindizga Ambuya!

Yesaya 30:18

Chifukwa cho Ambuya alindizga kuŵa namwe ndi wezi; ndicho chifukwa ŵatijikuzgiya kurongo lisungu paku imwe. Pakuti Ambuya ndi Chiuta wacheruzgu chirunji; mbakutumbikika wose wo ŵalindizga iwo.

Sumu 37:34

Lindizga Ambuya, yendanga mu nthowa yawo, ndipo akutumphuskenge kuhara charu; ukawonanga ŵachidumulika ŵaheni

Sumu 130:5

Ndilindizga Ambuya, mzimu wangu ulindizga, mu mazu ghawo ndigomekezga.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Habakuku 2:3

Chifukwa chiwona cheche kulindizga nyengo yake; yithaŵiriya ku umari yikapusikanga cha. Asani yingazuwulika, yilindizge; yizenge nadi, kuti yizuwulikenge cha.

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

Sumu 62:5

Mzimu wangu ulindizga chisisi mwaku Chiuta; chigomezgu changu ndiŵika mwaku iyo.

ŴaKolose 1:11

Mukhomeskeke mu nthazi yose, kwakulingana ndi nthazi yake ya unkhankhu, ku unkhunthiya wose ndi chilekerezga pamoza ndi chimwemwe;

Sumu 138:3

Mungundamuka po ndingudana kwaku imwe; ndi nthazi yinu mungundikambiska.

Nthanthi 20:22

Ungambanga cha, “Nkhalipanga uheni”; lindizga Ambuya, ndipo akakovyanga.

Sumu 33:20

Mzimu widu ulindizga Ambuya; movya widu ndi nguru yidu.

ŴaRoma 8:25

Kweni asani tigomekezga chenicho tirive kuwona ndi chizizipizgu tichilereze.

Chitenje 3:26

Nkhwamampha kuti munthu walindizgenge utaski wa Ambuya, chisisi.

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Yesaya 25:9

Kukanenekanga mu zuŵa leniliya, “Ehe, uyu ndi Chiuta widu, tamulindizganga, mwakuti watitaske, Yaŵa mba Mbuya; taŵalindizganga, tiyeni tikondwe ndi kusekere muutaksi wawo.”

Sumu 25:21

Rekani ukongorekwa ndi kunyoroka vindisungirizge, chifukwa ndilindizga imwe.

Sumu 25:3

Inya, wose ŵakulindizga imwe kuti ŵalengeskekenge nanga njumoza cha; ŵachita soni wo ŵachita viŵembu kwambura chifukwa.

Chiyambo 49:18

Ndilindizga utaski winu, Ambuya.

Luka 2:25

Ndipo awonani kwenga munthu mu Yerusalemu, zina lake Simeoni; ndipo munthu mweniyo wenga mrunji ndi wakusopa, wakulereze sangarusku laku Yisraele: ndipo Mzimu Wakupaturika wenga pake.

Yesaya 8:17

Ndikarindizganga Ambuya, wo abisa chisku chawo ku nyumba yaku Yakobe, ndipo ndikagomekezganga mwaku iwo.

ŴaEfeso 3:16

kwakulingana ndi usambasi wa unkhankhu wake, kukhomeskeka ndi nthazi mu Mzimu wake mu munthu wamukati:

Sumu 62:1

Kwaku Chiuta pe ulindizga chisisi mzimu wangu; utaski wangu utuliya kwaku iyo.

Sumu 40:1

Kulindizga ndingulindizga Ambuya; angutegherezga, anguvwa nkhuta yangu.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

Luka 2:38

Ndipo wanguti wafikapo pa ora lenilo, wawongiyanga Chiuta, ndipo wangukambiya vyaku iyo kwaku wose ŵakulereze uwombozi wa Yerusalemu.

Machitidu gha Ŵakutumika 28:15

Ndipo viyo tingufika ku Roma. Kutuwa kweniko nako ŵabali wo ŵanguvwapo vyapaku ifwe, ŵanguzachikumana nafwe mpaka ku Apio Foro ndi Misika Yitatu: Paulo pakuwona wo wanguwonga Chiuta, ndi wanguchintha mtima.

Sumu 37:7

Uje chisisi paurongo pa Ambuya, uŵalindizge kwakuzika; reka kujikweŵeska chifukwa cha wakusakata mu nthowa yake, chifukwa cha munthu wakuchita viheni!