Sumu 27:13 - Tonga Bible 1986

¹³ Ndivwana kuti ndikawonanga vyamampha vya Ambuya mu charu cha ŵamoyo!

Sumu 27:13 Referans Kwoze

Sumu 142:5

Ambuya, ndiliriya kwaku imwe; Ambuya, imwe, mwe chakudingang'amo changu; phande langu mu charu cha ŵamoyo.

2 ŴaKorinte 4:16

Chifukwa cho kuti tidembereka cha. Inya chingana umunthu widu wakubwaro uvumuka, ndikweni wamkati wo uchitika ufya zuŵa ndi zuŵa.

Sumu 56:3

Ndichiŵa wamantha, ndiŵika chigomezgu changu mwaku imwe.

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Sumu 56:13

Chifukwa imwe mwapozomoska mzimu wangu ku nyifwa, inya, marundi ghangu ku kuwa, alinga kuti ndendenge paurongo paku Chiuta mu ukweru wa umoyo.

Sumu 42:5

Wawiyanji pasi, wa mzimu wangu, utamanthiyanji mukati mwangu? Gomezga mwaku Chiuta; chifukwa ndikamurumbanga so, movya wangu, ndi Chiuta wangu.

2 ŴaKorinte 4:1

Chifukwa chenichi pakuŵa nawo uteŵeti wenuwu, uli ndimo tarondere lisungu laku Chiuta, kuti tidembereka cha.

Jobu 28:13

Munthu kuti waziŵa cha nthowa yakurutiyako, ndipo kuti yisanirika cha mu charu cha ŵamoyo.

ŴaEfeso 2:8

chifukwa ndi wezi mwataskikiya mu chivwanu: ndipo chenicho kuti nchakutuwa kwaku mwaŵeni cha; ndi mpasku waku Chiuta;

Yeremiya 11:19

Kweni ndenga nge ndi mberere yakuzika yakurongozgeke kukubayika. Ndengavi kuziŵa kuti chenga paku ine ŵangupangirana machitidu gha chiŵembo pa mutu wangu, ŵakuti, “Tiyeni tiphwanye chimuti ndi chipasi chake, tiyeni timudumuweko ku charu cha ŵamoyo, mwakuti zina lake lireke kukumbukika so cha.”

Ezekiele 26:20

penipo ndipo ndikakukosoliyanga pasi pamoza ndi wo ŵasikiya ku zenje, ku ŵanthu ŵa mwaka, ndipo ndikakujarikanga mu charu chapasi ukongwa, mukati mumalo ghakupasuka kale, pamoza ndi wo ŵasikiya ku zenje, mwakuti ureke kuŵa so chakujamo cha ŵanthu pamwenga kuŵa ndi malo mu charu cha ŵamoyo.

Yesaya 38:19

Wamoyo, wamoyo, ndiyo wawonga imwe uli ndimo ndichitiya ine msana wale; wiske waziŵiska ku ŵana uneneska winu.

Jobu 33:30

kuwezga mzimu wake ku muunda, mwakuti wawoni ukweru wa umoyo.

Yesaya 38:11

Ndinguti, kuti ndiwonenge Ambuya cha mu charu cha ŵamoyo; kuti ndikalereskanga so pa munthu cha mukati mu ŵakuja mu charu.

Sumu 52:5

Kweni Chiuta wakakubwanganduwanga muyaya; wakwamphuwenge ndi kukuparuwa mu hema lako; wakakuzuwangamo mu charu cha ŵamoyo.

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.