Sumu 27:1 - Tonga Bible 1986

¹ Ambuya nkhungweruka kwangu ndi chipozomosko changu; ndopenge yani? Ambuya ndi linga la umoyo wangu kumbi nditenthemenge yani?

Sumu 27:1 Referans Kwoze

ŴaHebere 13:6

Viyo ifwe taŵakuchintha mtima tititi, “Mbuya ndi Movya kwaku ine; kuti ndopenge cha: munthu wandichitiyenge chine?”

Sumu 118:6

Ndi Ambuya pamoza nane, kuti nditopa cha; wachitengenji nane munthu?

Chituwa 15:2

Ambuya ndi nthazi yangu ndi sumu yangu, ndipo aŵa iwo utaski wangu: mweniyo ndi Chiuta wangu, ndipo ndikamurumbanga, Chiuta wa ada, ndipo ndikamukuzganga.

2 ŴaKorinte 12:9

Ndipo andinene, “Ngwakukwana wezi wangu: chifukwa nthazi yangu yifiskikiya mu unthomboro.” Viyo nkhajikuzgiyanga kwakukondwa mbwenu mu maunthomboru ghangu, alinga kut nthazi yaku Kristu yigoŵiyenge paku ine.

Sumu 84:11

Ambuya ndi muvikiriya widu ndi karonga wa unkhankhu, kutitumbika ndi wezi ndi ulemu; kuti wanora kanthu kose kamampha cha kwaku wose wo mbakuchita urunji.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Yohane 8:12

Viyo Yesu wangurongoro so nawo, wakuti, “Ine ndine Kungweruka kwa charu: wakurondo ine kuti wakendanga mu mdima cha, kweni waŵenge ndi kungweruka kwa umoyo.”

Yesaya 12:2

“Ehe, Chiuta ndi mtaski wangu; ndikagomekezganga, ndipo kuti ndipenge cha; pakuti Ambuya Chiuta ndi nthazi yangu ndi sumu yangu, ndipo iyo waŵa utaksi wangu.”

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Sumu 62:6

Iyo pe ndi jarawi langu ndi utaski wangu linga langu; kuti ndisukuniskikenge cha.

Sumu 18:28

Inya, imwe mukozga nyali yangu; Ambuya Chiuta wangu wangweruska mdima wangu.

Jobu 29:3

penipo nyali yake yinguŵara pa mutu wangu, ndipo ndi kungweruka kwake, ndingwenda mu mdima;

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Sumu 118:21

Ndimuwongani chifukwa mwandamuka, ndipo mwaŵa chipozomosko changu.

Sumu 19:14

Mazu gha mlomo wangu ndi marunguruku gha mtima wangu ghaŵe gha marondeka pa maso pinu, Ambuya, jarawi langu ndi mpozomoski wangu.

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Sumu 62:2

Iyo pe ndiyo jarawi langu ndi chipozomosko changu, ndi linga langu; kuti ndisukuniskikenge weniukongwa cha.

Malaki 4:2

Kweni imwe mutopa ine mwamuwona dazi la urunji lichituwa ndi uchizgi mu mapapiku ghake. Mwamuruta ndi kuchilipuka nge ndi mathole ghachituwa mu khola.

Yesaya 2:5

Wa nyumba yaku Yakobe we, zanga, tiye tendenge mu ukweru wa Ambuya.

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

Yohane 1:9

Kungweruka kwenecho, kwakungweruska munthu yose kwazanga mu charu.

Chivumbuzi 7:10

ndipo ŵakamburanga ndi mazu ghakuru ŵakuti, “Utaski we kwaku Chiuta widu, mweniyo waja pa chitengu-chaufumu cho, ndi ku Mwana-mberere yo!”

Luka 2:30

pakuti ghawona maso ghangu utaski winu,

Sumu 11:1

Mwaku Chiuta ndidingang'a; undineniyenge uli iwe kuti, “Thaŵiya ku mapiri nge nchiyuni.

Sumu 3:8

Utaski weku Ambuya; chitumbiku chiŵe pa ŵanthu ŵinu!

Luka 3:6

ndipo munthu yose wawonenge utaski waku Chiuta.”

Mateyu 8:26

Ndipo wanguŵanene, “Mutopanji, mwaŵachivwanu chimana?” Sono wachiyuka wanguchenya mphepu ndi nyanja: ndipo kunguŵapo bata likuru.

Yesaya 45:24

“Mu Ambuya pe, ŵakakambanga gha paku ine, mburunji ndi nthazi; kwaku iyo wakazanga ndi kulengeskeka, wose ŵeniwo ŵangumuyukiya.

Sumu 43:2

Pakuti imwe mwa ŵaChiuta mwaku mweniyo ndidingang'a; kumbi mwandijowoliyanji? Chifukwa chine nditenda ndichitenje, pa kuzitiskika ndi murwani?

Marangu 7:18

Mungachiŵawopanga cha kweni mukumbuke vyo Ambuya Chiuta winu wanguchita kwaku Farao ndi ku Egipiti yose;

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Sumu 18:29

Inya, mwaku imwe ndiphwanyenge liŵanja la nkhondo; ndipo mwaku Chiuta wangu ndikawulukanga pachanya pa linga.

Yeremiya 20:11

Kweni Ambuya ŵe nane uli ndi wankhondo wakofya; chifukwa cho ŵakundisuzga ŵakaguŵanga, kuti ŵakandipundanga cha. Ŵakalengeskekanga weniukongwa, chifukwa kuti ŵakachitangapo kanthu cha, kuyuyulika kwawo kwa muyaya kuti kukaruwikanga cha.