Sumu 25:7 - Tonga Bible 1986

⁷ Rekani kukumbuka vya kulakwa kwa pa uhurwa wangu ndi mamphuru ghangu; kwakulingana ndi chanju chikuru mundikumbuke, pa chifukwa cha umampha winu pe, Ambuya, mwe.

Sumu 25:7 Referans Kwoze

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

Yesaya 38:17

Ehe nchifukwa chaku ndamweni ndinguŵa ndi urwirwi ukuru; kweni imwe mwawezgako umoyo wangu ku zenje la pharghaniko, pakuti mwapong'a uheni wangu wose kuvuli ku msana winu.

Jobu 13:26

Pakuti murembe vyakuŵaŵa kumikana ndi ine, ndi kundichitiska kuti ndihare kwananga kwa uhurwa wangu.

Yeremiya 3:25

Tiyeni tigone pasi mu kulengeskeka kwidu, ndipo kujiyuyuwa kwidu kutivimbe; pakuti talakwiya Ambuya Chiuta widu, ifwe pamoza ndi auskefwe kutuwa ku uhurwa widu inya mpaka msana wale; ndipo tilive kuvwiya mazu gha Ambuya Chiuta widu.”

Sumu 51:1

Ndichitiyeni wezi A Chiuta, kwakuyana ndi chifundu chinu; uli mbunandi wa vya lisungu vinu sisitani mamphuru ghangu.

ŴaHebere 8:12

Pakuti ndiŵiyenge walisungu ku maubendezi ghawo ndipo vilakwa vyawo kuti ndikumbukenge so cha.”

Sumu 109:26

Ambuya, Chiuta wangu, ndovyeni; nditaskeni chifukwa cha chanju chinu chakufikapo!

Sumu 79:8

Rekani kusuzga ifwe pa uheni wa auskefwe, kweni tichitiyeni lisungu le, chifukwa tasiskikiya pasi ukongwa.

Sumu 31:16

Chisku chinu chiŵaliye pa mteŵeti winu; nditaskeni mu chanju chinu chikuru!

Sumu 6:4

Weni, Ambuya, taskani umoyo wangu; nditaskeni chifukwa cha chanju chinu chikuru.

Jobu 20:11

Viwanga vyake vyakuzazika ndi nthazi za wanamana wake, kweni vikagonanga nayo pamoza mu fuvu.

Yohane 5:14

Pavuli Yesu wangumsaniya mu kasopi, ndipo wangumnene, “Awona, wachizgika: ungalakwanga so cha, vinu chinthu chiheni ku chingakuwiya.”

Yohane 5:5

Ndipo wengako munthu yumoza, wakuŵa ndi urwali wake virimika machumi ghatatu pachanya vinkhonde ndi vitatu (38).

Yesaya 64:9

Mungakaripanga kwakurutilizga, Ambuya mwe; ndipo rekani kukumbuka kulakwa muyaya. Ehe, ghanaghanani, ifwe tose te ŵanthu ŵinu.

Sumu 119:124

Ndichitiyeni kwakulingana ndi chanju chinu chikuru, ndipo ndisambizgeni malangulu nginu.

Sumu 109:16

Munthu yo kuti waghanaghanako ndi kuŵa walisungu cha; kweni wanguzingizga ndi kubaya, mukavu, msauchi, ndi wakusweka mtima.

Sumu 109:14

Ambuya akumbuke kubende kwa awiske, uheni wa anyina ureke kugowokereka.

Sumu 106:3

Mbakutumbikika wo ŵavwiya cheruzgu chawo, wo ŵachita cho nchakurunjika nyengo yose!

Sumu 106:4

Mundikumbuke, Ambuya, po muchitiya umampha ŵanthu ŵinu; pakuŵataska, munditaskiye nawo, kumoza.

Yesaya 48:11

Pa chifukwa chaku ndamweni, chaku ndamweni pe, ndichita ichi, pakuti zina langu lingafipiskika uli? Unkhankhu wangu kuti ndipaskenge ku munyake cha.

Yeremiya 31:34

Ndipo munthu kuti warunguchizgenge so mwanasi wake nanga ndi mwana munyake cha kuti, ‘Ziŵa Ambuya,’ pakuti wose ŵakandiziŵanga, kutuwa ku mumana mpaka ku mura, atiti Ambuya; pakuti ndikagowokiyanga mautimbanizi ghawo, ndipo uheni wawo kuti ndikawukumbukanga so cha.”