Sumu 25:6 - Tonga Bible 1986

⁶ Kumbukani, Ambuya, vya lisungu linu, ndi vya chanju chinu chikuru, chifukwa vyaŵa vyakutuliya ku mwaka.

Sumu 25:6 Referans Kwoze

ŴaKolose 3:12

Viyo vwarani, uli mbakusankhika ŵaku Chiuta, ŵakupaturika ndiŵakwanjiwa, chitima cha lisungu, ulemu, kujiyuyuwa, upovu, chilekerezga;

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Luka 1:50

Ndipo lisungu lake le ku myandanu ndi myandanu paku ŵeniwo ŵatumopa.

Luka 1:78

chifukwa cha chitima cha lisungu chaku Chiuta widu, penipo chimphara chamutuliya paku ifwe cha mudengwendi,

2 ŴaKorinte 1:3

Watumbikike Chiuta ndi Wiske wa Ambuyafwe Yesu Kristu, Wiske wa malisungu ndi Chiuta wasangarusku lose;

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Yesaya 63:15

Lereskani pasi kutuliya kuchanya, muwone, kutuliya uja winu utuŵa ndi wa unkhankhu. Kumbi lepani phamphu linu, ndi kulimba kwinu? Linweka la mtima winu ndi chifundu chinu, vyatuzgikako kwangu.

Sumu 98:3

Akumbuka chanju chawo chakufikapo ndi ukongorekwa wawo ku nyumba yaku Yisraele. Ŵanthu wose kose kose mu charu chapasi ŵawona utaksi waku Chiuta.

1 Yohane 3:17

Kweni yose yo we nacho chuma cha charu, ndipo wawona mbali wake kuti wakavuka, ndi wamjariya lisungu lake, chanju cho chaku Chiuta chija uli mwaku iyo?

ŴaFilipi 1:8

Chifukwa liuta ndi kaboni wangu, pakuti nditikunwekiyani mose mu vyachitima vyaku Kristu Yesu.

Luka 1:54

Wovya Yisraele, mburwa wake, kwachikumbuka lisungu

Yeremiya 31:20

Kumbi Efraimu ndi mwana wangu wakwanjiwa? Kumbi ndi mwana wangu wapa mtima? Pakuti chingana ndingamukaripiya, nditumukumbuka mbwenu. Chifukwa cho mtima wangu uyereyeta nayo; kwakuneneska ndikamuchitiyanga lisungu, atiti Ambuya.

Yesaya 55:7

muheni wareke nthowa yake, ndi wakuwura urunji maghanaghanu ghake; wawere ku Ambuya, kuti amuŵiye ndi lisungu, ndi kwaku Chiuta widu, pakuti wagowokiyenge kwakuzala.

Sumu 119:77

Ndichitiyeni lisungu, ndipo ndiŵenge wamoyo, pakuti mu dangu linu mwe kukankhaŵiya kwangu.

Sumu 107:1

Wongani Ambuya chifukwa mbamampha; chifukwa ncha muyaya chifundu chawo!

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 106:1

Rumbani Ambuya! Wongani Ambuya chifukwa mbamampha, chifukwa chanju chawo chakufikapo ncha muyaya!

Sumu 103:4

Akuwombo umoyo wako ku zenje, wo atikuvwarika ndi chanju chakufikapo ndilisungu.

Sumu 69:16

Chifukwa cha umampha wa chifundu chinu, Ambuya, mundamuke; mu chisungu-sungu chinu chikuru, ng'anamukiyani kwangu.

Sumu 69:13

Kweni ine, ndirombenge kwaku imwe, Ambuya. Panyengo yo mwasankha, A Chiuta, chifukwa cha chifundu chinu chikuru, mundamuke, chifukwa musunga phanganu linu la kutaska.

Sumu 40:11

Ambuya mwe, rekani kukanizga lisungu linu paku ine, chisungusungu chinu ndi umagomekezgeka winu vindisunge muyaya!

Nehemiya 9:19

imwe mu malisungu ghinu ghakuru kuti munguŵajowo cha mu bozwa; mzati wa mtambo weniwo unguŵarongozga mu nthowa wengavi kutuwako kwaku wo ndi msana, nanga ndi mzati wa moto ndi usiku weniwo unguŵambulikiya nthowa yakuti ŵendengemo.

2 Mikoka 6:42

Ambuya Chiuta, rekani kung'anamuliya kutali chisku cha wakupakika ŵinu! Kumbukani uzali wa chanju chinu chakufikapo paku Davidi mteŵeti winu.”

Chituwa 34:6

Ambuya angudumuwa paurongo pake, ndi wangumemeza, “Ambuya, Ambuya, Chiuta wa lisungu ndi wa wezi, wachizita ku kukara, ndi wakuzara ndi chanju cha wezi ndi ukongorekwa,

Chituwa 15:13

“Mwarongozga ŵanthu ŵinu mu chifundu chinu; ŵanthu ŵeniwo imwe mwawombo, mwaŵarongozga ndi nthazi yinu kuya ku chakujamo chinu chakupaturika.

Chiyambo 32:9

Ndipo Yakobe wanguti, “Mwa Chiuta wa ada Abrahamu ndi Chiuta wa ada Yisaki, Ambuya, mwaŵenimwe mungukamba nane kuti, ‘Uwere ku charu chako, ndiku ŵabali ŵako, ndipo nkhakuchitiyanga umampha,’

Chiyambo 24:27

ndipo wanguti, “Watumbikike Ambuya, Chiuta wa mbuya wangu Abrahamu, mweniyo walivi kureka chanju chake cha wezi ndi ukongorekwa wake pa mbuya wangu. Ndipo ine, Ambuya andilongozga mu nthowa kuya ku nyumba ya ŵabali ŵa mbuya wangu.”

ŴaFilipi 2:1

Viyo asani mwe masangu ghakuti mwaku Kristu, asani mwe sangarusku lakuti la chanju, asani mwe wanase wakuti wa Mzimu, asani mwe vyachitima vyakuti ndi vyalisungu.

Nehemiya 13:22

Ndipo ndingulamuliya ŵaLevi kuti ŵajitozgenge ndi kuza kulonda malikomo, kusunga zuŵa la sabata kuŵa lakupaturika. Kumbukani ichi nacho kurumba ine, Chiuta wangu, ndipo mundisunge kwakuyana ndi ukuru wa chifundu chine.

Danyele 9:18

A Chiuta, wangu, tegherezgani gutu linu ndi muvwi; jurani maso ghinu ndi muwoni kupasuka kwidu, ndi msumba wo udanika ndi zina linu; pakuti tipereka kuŵeyere kwidu paurongo pinu chifukwa cha urunji widu cha, kweni chifukwa cha lisungu linu likuru.

Habakuku 3:2

Ambuya, ndavwa mbiri yinu, ndipo mlimu winu, Ambuya nthopa nade. Yuskani mlimu winu mukati mu virimika; mukati mu virimika uziŵikwe; mu ukari kumbukani lisungu.