Sumu 25:2 - Tonga Bible 1986

² Mwa Chiuta wangu, mwaku imwe ndagomekezga, ndireke kulengeskeka: ŵareke kutumbiya paku ine ŵarwani ŵangu.

Sumu 25:2 Referans Kwoze

ŴaRoma 10:11

Pakuti lembo lo lititi, “Yose wakuvwana mwake kuti walengeskekenge cha.”

Sumu 41:11

Mwaku ichi ndiziŵa kuti mukondwere mwaku ine, pakuwona kuti murwani wangu kuti wandipunda cha.

Sumu 71:1

Mwaku imwe, Ambuya, A ndidingang'a; ndireke kukhozgeka soni!

ŴaRoma 5:5

ndipo chigomekezgu kuti chilengeska cha; pakuti chanju cho chaku Chiuta chasapatiskikiya mu mitima yidu mwa Mzimu Wakupaturika, yo wapaskika kwaku ifwe.

Sumu 22:5

Ŵangubongole kwaku imwe, ŵangutaskika; mwaku imwe ŵangugomekezga, ndipo kuti ŵangurengeskeka cha.

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.

Sumu 31:1

Mwaku imwe Ambuya ndidingang'a; ndireke kurengeskeka muyaya; mu urunji winu ndipozomoskeni!

Yesaya 37:35

Pakuti ndikavikiriyanga muzi uwu kuutaska; chifukwa chaku ndamweni ndi chifukwa cha mteŵeti wangu Davidi.”

Sumu 34:8

Laŵani ndi muwone kuti mbamampha Ambuya! Wakukondwa ndi munthu yo wadingang'a mwaku iwo!

Yesaya 26:3

Mutimusunga iyo mu chimangu cheneko, mweniyo mtima wake ukula pinu, chifukwa wagomekezga mwaku imwe.

Sumu 94:3

Mpaka zuŵanji ŵaheni ŵakakondwanga? Mpaka zuŵanji, Ambuya?

1 Petro 2:6

Chifukwa mu lembo kutiti, “Aona, ndijarika mu Zioni mwa, wachikhozge-nyondo, wakusankhika, wakuzirwa: ndipo mweniyo ngwakuvwana paku iyo wangalengeskeka cha.”

Yesaya 49:23

Ŵakaronga ŵakaŵanga ausu ŵakukovya, mafumukazi ghawo ghakaŵanga anyoko ŵakukulera. Ŵakajikamiyanga iwe, visku vyawo nkholi pasi ndi kunyanga fuvu la marundi ghako. Sono ndipo ukaziŵanga kuti ndine Ambuya; wo wose ŵalindizga ine kuti ŵakalengeskekanga cha.”

Yesaya 37:20

Viyo sono, Ambuya mwe Chiuta widu, titaskeni ku janja lake, alinga maufumu ghose gha charu chapasi ghaziŵe kuti imwe pe ndimwe Ambuya.”

Sumu 37:40

Ambuya atiwovya ndi kuŵapozomoska; atiŵapozomoska ku ŵaheni, ndi kuŵataska, chifukwa ŵadingang'a mwaku iwo.

Sumu 18:2

Chiuta ndi jarawi langu, linga langu, ndi mpozomoski wangu, Chiuta wangu, jarawi langu, mwaku mweniyo ndidingang'a, ndi nguru yangu, ndi mtaski wangu wa nthazi, linga langu lakukho.

Sumu 7:1

Ambuya Chiuta wangu, mwaku imwe ndidingang'a; nditaskeni kwaku wose ŵakundindondoroska, ndipo ndipozomoskeni,

Sumu 22:8

Ŵatiti, “Wathamiya Ambuya; rekani amupozomoske; amutaske, pakuti akondwere mwaku iyo!”

Sumu 22:1

Chiuta wangu, Chiuta wangu, mwandisiyiyanji? Kumbi mwajariyanji kutali ku kundovya, ku mazu gha kutamantha kwangu?

Yesaya 41:16

Ukayipepetanga ndipo mphepo yikayitolenga kutali, ndipo lirondo likayiparghang'anga. Ndipo iwe ukakondwanga mu Ambuya; mu Mtuŵa Yumoza yo waku Yisraele, ukatumbwanga.

Yesaya 37:10

“Viyo ndimu mukakambiye kwaku Hezekiya karonga waku Yuda: ‘Ungazomerezganga Chiuta wako paku yo uyegeme kukupusika iwe pakupangana kuti Yerusalemu kuti wakaperekanga cha mu janja la karonga wa Asiriya.

Yesaya 28:16

chifukwa cho Ambuya Chiuta, atati, “Ehe, ndiŵika mu Zioni chiŵanja mwa, mwa wakweseka, mwa wanyondo wakuzirwa, wa chiŵanja chakuneneska: ‘Yo wavwana kuti wakatolekanga cha.’

Sumu 56:1

Ndichitiyeni wezi, A Chiuta, chifukwa zuŵa lose ŵakurwana nane ŵandifinyikizga;

2 Mikoka 13:18

Viyo ndimo ŵaYisraele ŵanguthereskeke pa nyengo yiya. ŴaYuda ŵangupunda chifukwa ŵanguyegeme ku Ambuya Chiuta wa ambuyawo.

Sumu 13:5

Kweni ine ndagomezga mu lisungu la chanju chinu; mtima wangu ukondweriyenge mu utaski winu.

Sumu 31:2

Sendekiyani gutu linu kwaku ine, nditaskeni kwakutinthimika! Mundiŵiye jarawi la utaski wangu, linga lakukho kunditaska!

Sumu 31:15

Nyengo zangu zemu janja linu; ndipozomoskeni mu janja la ŵarwani ŵangu ndi ŵakundiŵemba!

Sumu 91:2

wakambenge ku Ambuya, “Ndimwe chakudingang'amo changu ndi linga langu; Chiuta wangu, mwaku mweniyo ndigomekezga.”

Yeremiya 17:18

Ŵalengeskeke ŵeniwo ŵatindisuzga; kweni ine mungandilengeska cha; ŵadiskike nthazi rekani kundidiska nthazi ine. Toleni paku iwo zuŵa liheni muŵaphwanye ndi kuphwanya kwa kaŵi.