Sumu 25:13 - Tonga Bible 1986

¹³ Iyo mweneko wakajanga mu kusakata, ndipo ŵana ŵake ŵakaharanga charu.

Sumu 25:13 Referans Kwoze

Sumu 37:11

Kweni ŵakuzika ndiwo ŵakaharanga charu, ŵakondwenge mu chimangu chikuru.

Nthanthi 19:23

Kopa Ambuya kurongozge ku umoyo, ndipo mweniyo we nako waja ndi kukhorwa, kuti urwani ukamuziyanga cha.

Nthanthi 1:33

kweni mweniyo wategherezga kwangu wakajanga pakukho ndipo wakaŵanga pa uyuyu, wambura kutenthema chiheni.”

Mateyu 5:5

“Mbakutumbikika ŵakuzika: pakuti iwo ŵaharenge panupasi.

Zefaniya 3:17

Ambuya Chiuta wako, we mukati mwako, wanthazi yo wapaska upundi. Wakondwenge paku iwo ndi chimwemwe, wakusanduskenge mufya mu chanju chake.

Machitidu gha Ŵakutumika 2:39

Chifukwa chipanganu cho che kwaku imwe, ndi ku ŵana ŵinu, ndi kwaku wose ŵakutari, wose wo wangajidaniya Mbuya Chiuta widu.”

Yesaya 65:23

Kuti ŵakatakatakanga kwa ŵakacha, pamwenga ŵana ŵakupapiya chisungu cha; chifukwa ŵakaŵanga ŵana ŵakutumbikika ŵa Ambuya ndi ŵana ŵawo pamoza nawo.

Nthanthi 29:25

Kopa munthu nkhuthya chiŵana, kweni mweniyo wagomekezga mu Ambuya we pakukho.

Sumu 37:26

Nyengo zose ngwawezi ndi wakuteuliska, ndipo ŵana ŵake mbakutumbikika.

1 Petro 3:10

Chifukwa, “Yo watanja umoyo, ndi wakhumba kuwona mazuŵa ghamampha, warekeske lilime lake ku uheni, ndi milomo yake kuti yingaŵereŵeta cha urghargha;

Yeremiya 32:39

Ndiŵapaskenge mtima umoza ndi nthowa yimoza, mwakuti ŵandopenge ine muyaya, chifukwa cha umampha waku iwo ŵeneko ndi umampha wa ŵana ŵawo ŵa pavuli pawo.

Sumu 112:2

Mphapu yake yikaŵanga ya nthazi mu charu; mgonezi wa munthu wakurunjika ukatumbikikikanga.

Sumu 69:36

mphapu ya ŵateŵeti ŵake yikachiharanga, ndipo wose ŵakwanja iyo ŵakajangamo.

2 Petro 3:13

Kweni, kwakulingana ndi phanganu lake, tilereze machanya ghafya ndi charu chifya mwenimo muja urunji.

ŴaFilipi 4:19

Ndipo Chiuta wangu wampaskeninga vyose vyo mukavuka uli mbusambasi wake mu unkhankhu mwaku Kristu Yesu.

Zekariya 9:17

Ehe, ngukuru umampha wake, ndi kutowa kwake nkhwakuruska limu! Vyakurgha vikondweskenge ŵanyamata ndi vinyo mufya ŵamwali.

Marangu 33:12

Gha paku Benjamini wanguti, “Nkhwanjiwa wa Ambuya, waja mu chimangu pamoza nayo. Watumuzunguliya zuŵa lose ndipo wamujariska pakati pa maphewa ghake.”

Nthanthi 20:7

Munthu murunji mweniyo watenda mu uneneska wake, mbakutumbikika ŵana ŵake pavuli pake!

Sumu 63:5

Mzimu wangu ukarghanga dghera, ndi kuguta, ndipo ndimbenge sumu zakukonda zakutumbika imwe.

Sumu 37:29

Ŵakurunjika ŵaharenge charu, ndipo ŵakajanga paku cho muyaya.

Sumu 37:22

Ŵakutumbikika ndi Ambuya ŵakaharanga charu, kweni ŵakutembeka ndi iwo ŵakadumulikanga.

Sumu 36:8

Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

Sumu 31:19

A! Ngukuru mbwenu umampha winu wo mwaŵaŵikiya ŵakumopani imwe, ndi kuŵachitiya wo ŵadingang'a mwaku imwe, mu maso gha ŵana ŵa ŵanthu!

Sumu 37:9

Chifukwa ŵaheni ŵakadumulikanga; kweni wo ŵalindizga Ambuya ŵakaharanga charu.

Sumu 37:34

Lindizga Ambuya, yendanga mu nthowa yawo, ndipo akutumphuskenge kuhara charu; ukawonanga ŵachidumulika ŵaheni