Sumu 25:12 - Tonga Bible 1986

¹² Njani munthu yo watopa Ambuya? Mweniyo ndiyo amusambizgenge nthowa yo watenere kusankha.

Sumu 25:12 Referans Kwoze

Sumu 37:23

Michapu ya munthu yituliya ku Ambuya, ndipo achirikizga yo iwo akondwa nayo mu menderu ghake;

Sumu 32:8

Ndikurunguchizgenge ndi kukusambizga nthowa yo utenere kwendamo; ndikupangenge fundu, jisu langu liŵengepaku iwe.

Yohane 7:17

Asani munthu wakhumba kuchita khumbo laku Chiuta waziŵenge chisambizgu cho ndisambizga, vinu nchakutuwa kwaku Chiuta, pamwenga ine ndirongoro vya mu mazaza gha mwaku Ndamweni.

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

Wakutaula 12:13

Umari wa makani; vyose vyavwika muwope Chiuta, ndipo sungani marangu ghake; pakuti ichi ndicho ndi nchitu yose ya munthu.

Yesaya 50:10

Njani mukati mwinu yo watopa Ambuya ndi wavwiya mazu gha mteŵeti wawo, yo watenda mu mdima, ndi walivi ukweru, kweni wagomezga mu zina la Ambuya ndi kuyegeme paku Chiuta wake?

Nthanthi 1:7

Kopa Ambuya ndiku kwamba kwa zeru; ŵakupusa ŵayeya chinjeru ndi visambizgu.

Nthanthi 16:6

Pakujithereska ndi kugomekezgeka mphulupulu yilipika, ndi so ndi kopa Ambuya munthu wareka uheni.

Nthanthi 15:33

Kopa Ambuya nkhusambizga mu zeru, ndipo ulemu kujiyuyuwa kudanjiya paurongo.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Yesaya 35:8

Ndipo gurwi mukuru wakaŵanga kwenikuwa, ndipo ukadanikanga Nthowa Yakupaturika; ŵaukazuzi kuti ŵakendangamo cha, ŵabereŵeza kuti ŵakalakwiyangamo cha.

Nthanthi 2:5

po ndipo ukaziŵanga kopa Ambuya ndi ukasaniyanga zeru yaku Chiuta.

Machitidu gha Ŵakutumika 13:26

“Mwaŵanthu, mwa ŵabali, mwaŵana ŵa mphapu yaku Abrahamu, ndi ŵamwinu ŵakumopa Chiuta, kwaku ifwe ghatumika mazu gha utaski wenuwu.

Machitidu gha Ŵakutumika 11:14

wakukambiyenge makani, mwaku gho utaskikiyenge, iwe ndi nyumba yako yose.’

Machitidu gha Ŵakutumika 10:2

msopa, ndi wakopa Chiuta pamoza ndi nyumba yake yose, yo wachitiyanga khamu lo vyalisungu vinandi, ndi waninizikiyanga Chiuta rutaruta.

1 Yohane 2:27

Ndipo imwe, chitukutizga cho munguronde kwaku iyo, chijaririye mwinu, ndipo kuti mukavuka cha kuti munthu wakusambizgeni; kweni uli ndimo chitukutuzga chake chikusambizgiyani ndi vinthu vyose ndipo nchakuneneska, ndi kuti nchitesi cha, jaririyani mwaku iyo, uli ndimo chakusambizgiyani.

Chiyambo 26:2

Ndipo Ambuya angumuwoneke ndi anguti, “Ungarutanga ku Egipiti cha; uje mu charu cho ndikakuneniyanga.

Chituwa 4:15

Iwe ukambenge nayo ndipo ukaŵikanga mazu gho mu mlomo wake; ndipo ine ndikaŵanga ndi mlomo wako ndi mlomo wake, ndipo ndikakusambizganinga chenicho mwamuchita.

Yoswa 3:4

mwakuti muziŵi nthowa yo mwendengemo, pakuti mu charu ichi mulivi kwendamo kali kweni pakaŵanga mukhanju pakati paku imwe ndi yilo, utali wa mukhanju wo ukaŵanga akhumba mikono vikwi viŵi (2,000) munganderenga kufupi kwaku lo cha.”

1 Samuele 9:6

Mteŵeti wake wanguti kwaku iyo, “Awona mu msumba uwu mwe munthu, ruta kweniko; panyake wangutinene ndi za lwendo lidu ili tenalo.”

Nthanthi 2:9

Po ndipo mukawangamo urunji ndi cheruzgu chirunji ndi kunyoroka, kwa nthowa yose yamampha;