Sumu 25:11 - Tonga Bible 1986

¹¹ Chifukwa cha zina linu, Ambuya, gowokiyani kunanga kwangu, pakuti nkhukuru ukongwa.

Sumu 25:11 Referans Kwoze

Sumu 79:9

Tovyeni, A Chiuta, mtaski widu, chifukwa cha unkhankhu wa zina linu.

1 Yohane 2:12

Ndikulembiyani, mwatwana twangu, chifukwa vilakwa vinu vyarekeke imwe pa chifwa cha zina lake.

Sumu 31:3

Inya, imwe ndimwe jarawi langu ndi linga langu, chifukwa cha zina linu pe mundirongozge ndi mundidanjiriye.

Yesaya 43:25

“Ine, Ndine Iyo mweniyo wasisita mautimbanizi ghinu chifukwa cha zina langu, ndipo kuti ndikakumbukanga mauheni ghinu cha.

ŴaRoma 5:15

Kweni mpasku waulera kuti wenge ndimo uliri ulakwi cha, viyo ndimo chiriri cha wezi so nacho. Chifukwa asani mu chilakwa cha yumoza yo wangufwiya ŵanandi wo, ukongwa kwakuruska wezi wo waku Chiuta, ndi mpasku wo wamu wezi wa munthu yumoza yo, Yesu Kristu, ungufurwiya ku ŵanandi wo.

Ezekiele 36:22

“Chifukwa cho kamba ku nyumba yaku Yisraele, Viyo atiti Ambuya Chiuta: kuti ndichita ichi pa chifukwa chaku imwe cha, mwa nyumba yaku Yisraele, kweni pa chifukwa cha zina langu lituŵa, lo imwe mwakazuzga mukati mu mitundu mo munguya.

Ezekiele 20:9

Kweni pa chifukwa cha zina langu, ndingureka alinga kuti lireke kufipiskika mu maso gha mitundu yo iwo ŵaja mukati mwawo, mu maso ghaku ŵeniwo ndingujiwoneska pakuŵatuzga iwo mu charu cha Egipiti.

Yesaya 48:9

“Chifukwa cha zina langu ndilekezga danga ukari wangu, chifukwa cha rumbu langu, nditiumikiya imwe, kuti ndileke ku kudumuwaniko.

Sumu 109:21

Kweni Ambuya Chiuta wangu, ndovyeni nge ndimo mukupanganirana, chifukwa cha umampha wa chanju chinu, ndipozomoskeni.

Sumu 143:11

Nditaskeni, Ambuya, chifukwa cha zina linu; mu umampha winu, mundipozomoske ku masuzgu ghangu!

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

Yeremiya 14:7

“Chingana mautimbanizi ghidu ghatitisimika, tovyeni, Ambuya, chifukwa cha zina linu; pakuti kutondeka kwidu kwaŵa kukuru, talakwiya imwe.