Sumu 22:31 - Tonga Bible 1986

³¹ ndi kutaula chipozomosko chawo ku ŵanthu wo ŵakapapikanga, kuti iwo ndiwo akuchichita ichi.

Sumu 22:31 Referans Kwoze

Sumu 78:6

alinga kuti mgonezi wo utuza uvisambirenge, ndi kuti pavuli pake ŵakambiyenge ŵana ŵawo.

Sumu 86:9

Mitundu yose yo imwe kukulenga yikazanga ndi kugwada paurongo pinu, Ambuya, ndipo ŵakankhuskenge zina linu.

ŴaRoma 1:17

Chifukwa mwenimo uvumbulikiya urunji waku Chiuta, wakutuliya ku chivwanu ndi wakuyiya ku chivwanu: ndimo kwalembeke, “Murunji iyo wajariyenge wamoyo ndi chivwanu.”

Sumu 102:18

Cho Ambuya akuchita chilembeke mgonezi wo utuza, alinga kuti ŵanthu wo ŵandapapike ŵaŵarumbe iwo.

2 ŴaKorinte 5:21

Yo ngwambura kuziŵa ulakwi wangumuchita wakusangana nafwe ulakwi, mwakuti ifwe pakubatikana nayo, tisangane nayo urunji waku Chiuta.

Yesaya 60:4

Soska maso ghako kwakuzunguliya ndi wona; wose ŵawungana pamoza, ŵatuza kwako; ŵana ŵako ŵanthurumi ŵakatuwanga kutali, ndipo ŵana ŵako ŵanthukazi ŵakanyamulikanga mu manja.

Yesaya 54:1

“Mbanga, wa chumba we, iwe wengavi kupapa; bangulanga pakumba ndipo bongonga ukongwa, imwe mulivi kuvwa urwirwi wakupapa! Pakuti ŵana ŵa chumba mbanandi kuruska ŵana ŵaku yo ngwakuŵirwa, atiti Ambuya.

Sumu 40:9

Ndataulamakani gha likondwa gha utaski mu ungano ukuru; ehe, kuti ndikonge milomo yangu cha, Ambuya, imwe muziŵa.

Yesaya 53:10

Kweni lenga khumbo la Ambuya kumukomweska; amuŵika viyo mukuŵaŵa; penipo watijipereka iyo yija mpasku wapa ulakwi, wakawonanga ŵana ŵake, wakarutilizganga mazuŵa ghake; khumbu la Ambuya likasakatanga mu janja lake;