Sumu 22:15 - Tonga Bible 1986

¹⁵ nthazi yangu yamira nge ndi zinga, ndi lilime langu lakaniriya ku chavu changu; imwe mutindigoneka mu fuvu la nyifwa.

Sumu 22:15 Referans Kwoze

Yohane 19:28

Pavuli paku cho Yesu, pakuziwa kuti sono vyafiskika vyose mwakuti lifiskike lembo lo, watiti, “Nde ndi nyota.”

Sumu 69:3

Ndavuka ndi kuliriya chovyo, pa khosi pangu paŵaŵa. Maso ghangu ghachita chizgezge pakulereze Chiuta wangu.

Yesaya 53:12

Chifukwa chenichi ndikamugaŵiyanga chigaŵa pamoza ndi ŵakuzirwa, wakagaŵananga vyakuskoŵa ndi virimbi, chifukwa wangupunguliya mzimu wake ku nyifwa, ndipo wenguŵerengeke pamoza ndi ŵakulakwa; kweni ndipuuli wangunyamuwa uheni wa ŵanandi, ndi kupepeske ŵakulakwa.

Sumu 69:21

Po ndenga wanja, ŵangundiliska nduru, po ndenga wanyota, ŵangundimweska vinyo wakuŵaŵa.

Sumu 38:10

mtima wangu umwantha, nthazi zangu zalopwa, ndipo kungweruka kwa maso ghangu nako so kwatuwamo mwangu.

1 ŴaKorinte 15:3

Chifukwa mu vinthu vyakuzirwa vyakudanga ndingupereka kwaku imwe chenicho nacho ndinguronde, kuti Kristu wangufwa chifukwa cha vilakwa vidu, kwakulingana ndi malembo gho;

Sumu 104:29

Asani mwabisa chisku chinu, vichita mantha; ndipo asani mwatuzgako mvuchi winu, vitufwa; ndi kuwere ku dongo ko vingutuliya.

Mateyu 27:50

Kweni Yesu wati wakambura so ndi mazu ghakuru, wangukombo mzimu wake.

Nthanthi 17:22

Mtima wakusangaruka ndimunkhwara wamampha, kweni mzimu wa chitima umizga viwanga.

Jobu 29:10

zinduna zinguchetema, malilime ghawo ghangukaniriya kuchanya kwa milomo yawo.

Danyele 12:2

Ndipo ŵanandi wo ŵagona mu fuvu la charu ŵayukenge, ŵanyake ku umoyo wa muyaya, ndi ŵanyake ku soni, ndi chilengesku cha muyaya.

Chitenje 4:4

Lilime la wakonkha likaniriya ku chavu cha mlomo wake, chifukwa cha nyota; ŵana wapempha kurgha, kweni palivi yo watuŵapaska.

Sumu 30:9

“Mwe chanduwu uli mu nyifwa yangu, asani ndisikiya ku zenje? Kumbi fuvu likamutumbikaninga? Kumbi litaulenge vya umagomekezgeka winu?

Jobu 34:15

Mphanyi nyama zose zatinge zikomwiyenge pamoza, munthu watinge waweriyenge ku fuvu.

Jobu 10:9

Kumbukani kuti mukundilenga ku dongo; kumbi mukandiwezgiyanga so ku fuvu?

Chiyambo 18:27

Abrahamu wangwamuka, “Ehe, ndajigangiya kukamba ndi Ambuya, ine ndi fuvu ndi choto.

Chiyambo 3:19

Ukarghanga chiŵande, mu dukutira la chisku chako mpaka penipo uweriyenge ku nyata. Pakuti ungutoleka mwenimo; ndiwe fuvu, ndipo ukaweriyanga ku fuvu.”

Jobu 7:21

Kumbi chifukwa nchine mureka kugowoke mamphuru ghangu ndi kutuzgapo ubudi wangu? Pakuti sono ndigonenge mu fuvu; mukandipenjanga kweni kuti nkhasanirikanga cha.”

2 Samuele 14:14

Tose tikafwanga te nge ndi maji ghakudikiya pasi, gho kuti ghangayoreka so cha; kweni Chiuta kuti wakatuzgangako cha umoyo wa munthu yo wapenja nthowa yakuti wakudikika wake wareke kudikikiya limu.

Jobu 19:20

Viwanga vyangu vikaniriya ku khungu langu ndi ku munofu, ndipo ndaphokwa ndi chavu cha minyu ghangu pe.

Jobu 30:16

“Sono mzimu wangu wapungulika mwaku ine, mazuŵa gha suzgu ghandiko.