Sumu 21:13 - Tonga Bible 1986

¹³ Mutumphuskike, Ambuya mu nthazi zinu! Timbenge ndi kutumbika mazaza ghinu.

Sumu 21:13 Referans Kwoze

Mateyu 6:10

Ufumu winu uze. Khumbu linu lichitike, panupasi nge ndiko kuchanya.

Sumu 113:5

Kulivi nanga njumoza wakuyana ndi Ambuya Chiuta widu; aja pa chitengo chawo kuchanya.

Sumu 57:5

Mutumphuskike A Chiuta, pachanya mu machanya! Unkhankhu winu uŵe pachanya pa charu chose chapasi!

Chivumbuzi 11:17

“Tikuwongani, Ambuya Chiuta, Mwaŵanthazizose, mwaŵakuŵapo ndi Mwenga; pakuti mwajitole nthazi yinu yikuru, ndipo mwausa.

Mateyu 6:13

Ndipo mungatitole mu kesedu kweni titaskeni ku mheni yo.

Sumu 57:11

Mukwezgeke, A Chiuta, pachanya pamachanya! Unkhankhu winu uŵe pachanya pa charu chose chapasi!

Sumu 46:10

“Jani chete, ndipo ziŵani kuti ine ndine Chiuta. Ndikutumphuskika mukati mu mitundu, ndikutumphuskika mu charu chapasi!”

Sumu 18:46

Ambuya mbamoyo; litumbikike jarawi langu, wakukwezgeka waŵe Chiuta wa chipozomosko changu,

Jobu 9:19

Asani tingakamba ndi za nthazi, iyo ndiyo wanthazi! Asani tinganena ndi za cheruzgu; ndiyani yo wangamudana?

1 Mikoka 29:11

Ukuru ngwinu, Ambuya, ndi nthazi ndi upundi, ndi unkhankhu chifukwa vyose vya kuchanya ndi vya pasi vinu; ufumu ngwinu, Ambuya, ndipo mwakwezgeka nge ndi mutu pachanya paku vyose.

Chivumbuzi 18:20

Kondwereni paku iyo, kuchanya ko, ndi imwe mwaŵakupaturika, mwaŵakutumika ndi ŵamchimi; chifukwa Chiuta wamweruzga paku vyo wangumuchitiyani.”