Sumu 19:9 - Tonga Bible 1986

⁹ Nkhwamampha kukankhuska Ambuya, nkhwakujaliriya muyaya; vyeruzgu vya Ambuya vyakuneneska, vyakurunjika kwakufikapo.

Sumu 19:9 Referans Kwoze

1 Samuele 12:24

Opani Ambuya ndipo ŵateŵetiyeni kwamagomekezgeka ndi mtima winu wose, ghanaghanani pa vinthu vikuru vyo ŵamuchitiyani.

Sumu 119:142

Urunji winu ukajaririyanga muyaya, ndipo dangu linu ndakuneneska.

Sumu 119:1

Ŵakutumbikika ndi ŵeniwo ŵalivi kalema mu nthowa yawo, wo ŵatenda mu dangu la Ambuya.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Sumu 115:13

atumbikenge wose akopa Ambuya, ŵamana ndi ŵara kwakukozgana.

Sumu 111:10

Kopa Ambuya ndicho chiyambo cha vinjeru. Apaska cheruzgu chakuvwika kwaku wo wose ŵavwiya marangu ghawo. Mbakwenere kurumbika muyaya ndi muyaya.

1 ŴaKaronga 18:12

Ndipo ruŵi ndichipatukako kwaku imwe, Mzimu wa Ambuya ukakunyamuliyanga ko ndilivi kuziŵako ine, viyo asani ndita chinene Ahabu ndipo watondekenge kukusaniyani wakandibayanga, chingana ine ndamuŵanda winu nditopa Ambuya kutuwa ku uhurwa wangu.

Marangu 4:8

Ndipo so palivi mtundu ukuru wa ŵanthu ŵendi visambizgo ndi vyeruzgu vya urunji nge ndi dangu lose ili, lenilo ndimika panthazi pinu msana wale?

Chiyambo 42:18

Pa zuŵa la chitatu Yosefe wanguti kwaku wo, “Chitani viyo ndipo mukaŵanga ŵamoyo, pakuti nditopa Chiuta:

Chivumbuzi 19:2

chifukwa vyeruzgu vyake vyakuneneska ndi vyakurunjika; pakuti weruzga munthukazi-mreŵi mukuru yo, mweniyo wangwananga charu ndi ureŵi wake, ndipo watayiya thayu paku iyo ndopa za ŵaŵanda ŵake.”

Chivumbuzi 16:7

Ndipo ndinguvwa kukambura kwa jochero, latinge, “Inya, Ambuya Chiuta, Mwaŵanthazizose, vyeruzgu vinu vyakuneneska ndi vyakurunjika.”

ŴaRoma 2:2

Ndipo tiziŵa kuti cheruzgu chaku Chiuta kwakuyana ndi uneneska che pa ŵakuchita vyaviyo.

Yesaya 26:8

Mu nthowa ya vyeruzgu vinu, Ambuya, titumulindizgani, zina linu lakukumbukika ndilo linweka la mzimu widu.

Sumu 119:106

Ndarapa rapu ndipo ndalikhozga, kuvwiya virunguchizgu vinu virunji.

Sumu 119:7

Po ndisambira vyeruzgu vinu vyakurunjika, ndikurumbeninga ndi mtima wakunyoroka.

Sumu 36:6

Urunji winu we nge ndi mapiri ghaku Chiuta, vyeruzgu vinu nge ndi ndimba yitali ukongwa; munthu ndi nyama mutaska, Ambuya.

Sumu 36:1

Kwananga kwa wamphurupuru kukamba mukati mu mtima wake; palivi kopa Chiuta paurongo pa maso ghake.

Sumu 10:5

Nyengo zose nthowa zake zisakata; vyeruzgu vinu vye pachanya, patali ndi iyo; ŵarwani ŵake wose, wati ŵanyoza.

Nehemiya 5:15

Ŵeruzgi ŵara ŵakudanga wo ŵengapo paurongo pangu ŵanguchitiska mphingu zizitu pa ŵanthu, ndipo ŵanguronda kurgha ndi vinyo ku ŵanthu, pamoza ndi mashekelo machumi ghanayi (40) gha siliva, ŵateŵeti ŵawo so ŵanguchita mitufu pa ŵanthu. Kweni ine kuti ndinguchita viyo cha, chifukwa chakopa Chiuta.

Chituwa 21:1

“Sono ivi ndi vyeruzgu vyo ukaŵikanga paurongo pawo.

Chiyambo 22:12

Wanguti, “Reka kumubaya mwana yo, chingana nkhuchita nayo kanthu kanyake cha; pakuti sono ndiziwa kuti utopa Chiuta, pakuti wakaniliya mwana wako cha, mwana wako yumoza pe, kwaku ine.”

ŴaRoma 11:22

Alereni viyo ulemu ndi ukari waku Chiuta, ukari paku wo ŵanguwa, kweni ulemu waku Chiuta we paku iwe, asani ujaririya mu ulemu wake: vinu nawe so ungadumulikako.

Machitidu gha Ŵakutumika 10:22

Ndipo ŵanguti iwo, “Kenturione Kornelio, munthu murunji ndi wakopa Chiuta, wakusimikizgika so ndi mtundu wose wa ŵaYuda, wangupangizgika ndi mungelo wakupaturika kwachidaniya iwe ku nyumba yake, ndi kuvwa kwako makani.”

Nthanthi 8:13

Kopa Ambuya nkhutinkha uheni. Kunyada ndi kujikuzga ndi nthowa ya uheni ndi kirongoro kwakupuruska nditinkha.

Sumu 147:19

Wapaska makani ghake kwaku Yakobe, virunguchizgu ndi marangu ghake kwaku Yisraele.

Sumu 119:75

Ndiziŵa Ambuya, kuti vyeruzgu vinu vyakurunjika, mungundilanga chifukwa mwe amagomekezgeka.

Sumu 119:62

Mukati mu usiku ndiyuka kutumbika imwe, chifukwa vyeruzgu virunji.

Sumu 119:39

Nditaskeni ku matozu gho nditopa; pakuti visimisimi vinu vyamampha!

Sumu 12:7

Imwe, Ambuya, tivikiriyeni, tisungirizgeni mpaka ku muyaya kwamba ku mgonezi uno.

Sumu 119:111

Visimisimi vinu nchihara changu cha muyaya; ndivyo likondwa la mtima wangu.

Yesaya 45:19

Kuti ndingukamba mu ubendi cha, mu charu cha mdima; ndengavi kukamba ku mphapu yaku Yakobe, ‘Ndipenjeni mu soka linu.’ Ine Ambuya ndikamba uneneska, nditaula chenicho ncha kurunjika.