Sumu 18:45 - Tonga Bible 1986

⁴⁵ Ŵalendo ŵangutaya mtima, ŵanguza kutuwa mu malinga ghawo ŵakumbwambwanthiya.

Sumu 18:45 Referans Kwoze

Mika 7:17

ŵakanyanganga fuvu nge ndi njoka, ndi nge ndi vinthu vyakukwaŵa vyamu charu; ŵakatuwanga ndi chitenthe mu malinga ghawo, ŵakawerenga ndi mantha ku Ambuya Chiuta widu, ndipo ŵakawopanga chifukwa chaku imwe.

Chivumbuzi 6:16

ndi kughanene mapiri ndi majarawe, “Wiyani paku ifwe, ndi tivunikiriyeni ku chisku chaku mweniyo waja pa chitengu-chaufumu cho, ndi ku kandundu ka Mwana-mberere,

Yakobe 1:11

Chifukwa lumwi lo lituwa ndi chifundizi, ndipo liumizga uteka; ndi luŵa lake limota, ndi utozi wa kawonekedu kake utanangika: viyo so msambasi mayo wafoteskekenge mu mendedu ghake.

Yesaya 24:4

Charu chapasi chitenje ndi chimira, charu chikomwa ndi chimira, machanya ghakomwe pamoza ndi charu chapasi.

Marangu 33:29

Wakukondwa ndiwe Yisraele we! Ndiyani yo wenge ndiwe? Mwa ŵanthu ŵakutaskika ndi Ambuya. Iwo ndi nguru ya chovyo chinu, ndi lupanga la upundi winu! Ŵamawongo ŵinu ŵakazanga kunyengere imwe; ndipo mukaphwatanga pa malo ghawo ghakusopiyapo.”

2 Samuele 8:2

Wangupunda ŵamoabu, ndipo wanguŵapima ndi chingwi wanguŵagoneka pasi; wangupima mizere yiŵi kuti ŵabayike, ndipo muzere utali umoza kuŵasiya ŵamoyo. ŴaMoabu ŵanguŵa ŵaŵanda kwaku Davidi ŵangupereka mthulu.

2 Samuele 8:6

Sono Davidi wanguŵika malinga mu Aramu waku Damasko viyo ŵaSiriya ŵanguŵa ŵaŵanda ŵaku Davidi ŵangupereka mthulu. Ambuya angupaska upundi kwaku Davidi kose ko wangurazga.

Sumu 66:3

Nenani kwaku Chiuta, “Zakuziziswa nchitu zinu! Nthazi zinu zikuru ukongwa, reka ŵarwani ŵinu ŵakotama ndi chitenthe paurongo pinu.

Sumu 81:16

Mphanyi ndingumurghiskani trigu wa kunozga, ndikumugutiskani ndi uchi wa mdondo.”