Sumu 18:15 - Tonga Bible 1986

¹⁵ Sono misisi ya nyanja yinguwoneka, viŵanja vya charu vinguŵa pakwero, pa kuchenya kwinu, Ambuya mwe, pakututa kwa mvuchi wa mphunu zinu.

Sumu 18:15 Referans Kwoze

Sumu 106:9

Wanguchenya Nyanja Yiyera, ndipo yingukamuka, wangurongozga khamu lake, ŵangwambuka ulaka mpha mtunda uyumu.

Chituwa 15:8

Ndi mvuchi wa mphunu zinu, maji ghanguwunjikika, ndipo mweza wa maji unguma ndundo; ndimba zingukhoma mukati mwa nyanja.

Mika 6:2

Vwani, imwe mwamapiri, suskanu ya Ambuya, ndi imwe viŵanja vyakukho vya charu chapasi; pakuti Ambuya ŵe ndi suskanu ndi ŵanthu ŵawo, ndipo akamikananga ndi Yisraele.

Yeremiya 31:37

Viyo atiti Ambuya: “Asani kuchanya kungaziŵa kupimika, ndi chiŵanja cha charu chapasi chingakonkhoskeka, ipo ndikatayanga ndi kuyipata mphapu chifukwa chaku vyose vyo ŵachita, atiti Ambuya.”

Sumu 104:5

Mwajariska charu pa viŵanja vyake, mwakuti chireke kusukunika muyaya.

Sumu 76:6

Po munguŵawofya, A Chiuta waku Yakobe, vyose ŵakavalo ndi ŵakugarapo ŵawo ŵanguwa, ŵangufwa.

Jobu 4:9

Ŵaparghang'ika ndi kututa kwaku Chiuta ndipo ndi mvuchi wa ukari wake ŵamara.

2 Samuele 22:16

Penipo misisi ya nyanja yinguwoneka, viŵanja vya charu vinguŵikika pakweru, pakuchenya kwa Ambuya, pa kututa kwa mvuchi wa mphunu zawo.

Sumu 74:15

Imwe mungupaska maji kudika mu visima ndi msinji, mungukamuska misinji yakutandara.

2 ŴaKaronga 19:7

Ehe, Ndikaŵikanga mzimu mwaku iyo viyo kuti wakavwanga mbiri ya waka ndipo wakawerenga ku charu chake, ndipo ndikamuwiskanga mu lipanga mu charu chake.’ ”

Yona 2:6

kusi ku mapiri. Ndingusikiya ku charu cho mipiringizgu yake yingundijariya ine kwa muyaya; ndipuuli imwe munguwutuzgamo mzimu wangu kutuliya ku wanangiko, Ambuya Chiuta wangu.

Yesaya 11:4

kweni mu urunji wakeruzganga ŵasauchi, ndi kudumuwa ndi mwenera ŵakuzika ŵacharu chapasi; ndi nthonga ya mlomo wake ndipo ndimvuchi wa milomo yake wakabayanga ŵaheni.

Yesaya 30:33

Pakuti malo ghakunyeka ndi moto ghakulongosoreka kale; inya pakuti gharongosoreke karonga yo, muunda wake wakumbika utali ndi usani, moto pamoza ndi nkhuni zinandi; mvuchi wa Ambuya utiwupemba nge ndi msinji wa fukanyira.

1 Samuele 7:10

Sono Samuele wachipereka mpasku wakocha, ŵaFilisti ŵangundere kufupi kurwana ndi ŵaYisraele; kweni Ambuya angudiririska ndi mazu gha nthazi pa ŵaFilisti zuŵa liya ndipo anguŵapong'a ku chimtimbaheka, ndipo ŵangupasuka paurongo pa ŵaYisraele.

Jobu 36:32

Wabenekere manja ghake ndi kumwetuwa, ndi walanguliya kumwetuwa, kumwetuliya pakatikati.

Sumu 77:18

Mazu gha chidiririzi chinu ghenga mu kavuruvuru; ndipo kumwetuka kwamalimphezi kungungweruska charu chose; charu chingutenthema ndi chinguyaghayika.

Sumu 92:10

Imwe mwandichitiska kuŵa wanthazi nge ndi njati; ndipo mwanditumbika ndi malikondwa.

Sumu 144:6

Mwetuskani malimphezi, muŵambininiske, pong'ani mivwi yinu, ndipo muŵadikiske!

Zekariya 9:14

Viyo Ambuya awonekenge pachanya pawo, ndipo muvwi wawo utewenge nge ndi limphezi; ndipo Ambuya Chiuta wambenge mbata ndi kwenda mu ŵakavuruvuru ŵaku mwera.