Sumu 17:15 - Tonga Bible 1986

¹⁵ Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Sumu 17:15 Referans Kwoze

2 ŴaKorinte 3:18

Ndipo ifwe tose, ndi chisku chakuvwinkhulika, tithoŵa uli ndi mu kayilole unkhankhu wa Mbuya, ndipo tisanduskikiya mu chikozgu icho cha kaŵiru kake, kutuwa ku unkhankhu kuya ku unkhankhu, nge ndimo uziya kutuliya ku Mbuya yo ndi Mzimu.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Sumu 11:7

Chifukwa mbakurunjika Ambuya, atanja nchitu zakurunjika; ŵakunyoroka ndiwo ŵawonenge chisku chawo.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

ŴaFilipi 3:21

mweniyo wamsanduska liŵavu lidu la kuyuyulika kuti lilinganizgike ndi liŵavu la unkhankhu wake, kwakuyana ndi nthazi yo ye mwaku iyo yeniyo so wathereskiyenge vinthu vyose kwaku iyo mweneko.

Yesaya 26:19

Ŵakufwa ŵinu ŵakaŵanga ŵamoyo, maliŵavu ghawo ghakayukanga. Okwe mwa ŵakuja mu fuvu imwe! Yukani, mbani gha chimwemwe! Pakuti dungwi linu ndi dungwi la ukweru, ndipo charu chikatoriyanga so ku umoyo mizimu yaku wo ŵakufwa kale.

Sumu 65:4

Ŵakukondwa mbeniwo imwe musankha, wo mutiŵajarika mumalo ghinu ghakupaturika! Tikakhorwanga ndi vyamampha vya mu nyumba yinu, vitumbiku vya mu nyumba yinu yakupaturika!

Chivumbuzi 21:23

Ndipo msumba wo ulivi kukavuka dazi, chingana ndi mwezi, kuti viuŵaliye: chifukwa unkhankhu waku Chiuta nkhungweruka kwake, ndipo Mwana-mberere yo ndi limbuni lake.

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Maŵerengedu 12:8

Ndirongoro nayo maso ndi maso, ndi mazu ghakuvwika, ghambura kubisika; iyo wawonanga kawonekedu ka Ambuya. Sono chifukwa nchine mwengavi chofyu kumikana ndi mteŵeti wangu Mosese?”

Sumu 119:111

Visimisimi vinu nchihara changu cha muyaya; ndivyo likondwa la mtima wangu.

Sumu 49:14

Nge ndi mberere ŵatemeke ku muunda; nyifwa yikaŵanga mliska wawo; ŵaruta ŵasikiya ku muunda, ndipo kawonekero kawo kakamaranga, muunda ukaŵanga muzi wawo.

Sumu 5:7

Kweni ine, mu unandi wa vya chifundu vinundiserenge mu nyumba yinu, ndisopenge kurazga ku nyumba yinu yakupaturika mu kumopani imwe.

Jobu 14:12

viyo munthu wagona pasi ndipo kuti wayuka so cha; mpaka penipo mitambo yikaŵangapo so cha, iyo kuti wakayukanga cha, pamwenga kuyuskika mutulo twake.

Yeremiya 31:26

Penipo ndinguyuka ndingulereska, ndipo tulo twangu twenga twakunozga.