Sumu 17:1 - Tonga Bible 1986

¹ Avwani vya urunji wangu, Ambuya; tegherezgani ku kuliya kwangu! Avwani rombu langu lo lituwa mu milomo yambura chinyengo!

Sumu 17:1 Referans Kwoze

Sumu 142:6

Tegherezgani ku nkhuta yangu; chifukwa ndasiskikiya pasi. Nditaskeni ku ŵarwani ŵangu, wo mbanthazi kwa kuruska ine.

Sumu 61:1

Avwani kuliya kwangu, A Chiuta, tegherezgani kurombu langu;

1 Yohane 3:21

Mwaŵakwanjiwa, asani mtima ulive kutisuska, te nacho chigomezgu kuchiri kwaku Chiuta;

Mateyu 15:8

‘Khamu ili litinditumbika ndi milimo yawo; kweni mtima wawo we kutari kwaku ine.

Sumu 145:18

Ambuya epafupi kwaku wose wo ŵatiŵadana, wo ŵatiŵadana mu uneneska.

Yesaya 29:13

Ambuya anguti: “Chifukwa ŵanthu yaŵa ŵandere pafupi ndi milomo yawo, kunditumbika ndi malilime ghawo, penipo mitima yawo ye kutali ndi ine, ndipo chopu chawo paku ine ndi langulu, la ŵanthu wo ŵakusambira chinkhumbu;

Sumu 142:1

Ndibongo ndi mazu ghangu ku Ambuya; ndi mazu ghangu ndiŵeyere ku Ambuya.

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Sumu 86:1

Tegherezgani kwangu, Ambuya, ndipo mundamuke, chifukwa nde wakusuzgika ndi msauchi.

Sumu 66:19

Kweni kwakuneneska Chiuta wandivwa; wategherezga ku kuromba kwangu.

Sumu 43:1

Nderuzgeni, A Chiuta mundikambiye mlando wangu ndi ŵanthu ŵambura kuziŵa Chiuta; ku ŵanthu ŵakupasika ndi ŵakubende nditaskeni!

Sumu 18:20

Ambuya angundiwerezgiyapo kwakuyana ndi urunji wangu; nge nkhuphotoka kwa manja ghangu angundiwezge mphoto.

Sumu 7:8

Ambuya ateruzga ŵanthu; nderuzgeni, Ambuya, kwakuyana ndi urunji wangu, ndi kwakuyana ndi ukongorekwa wo we mwaku ine.

2 Mikoka 7:15

Sono maso ghangu ghajurikenge ndi makutu ghangu ghategherezgenge ku rombo lakuchitikiya mu malo yagha.

Sumu 5:2

Vwiskani mazu ghakudanirizga kwangu, mwa karonga wangu ndi Chiuta wangu, pakuti ndiŵeyere kwaku imwe.

Yohane 1:47

Yesu wangumuwona Natanele wachiza kwake, wanguti kwaku iyo, “Awonani, muYisraele nadi, mwaku mweniyo mulive urghargha!”

Sumu 18:44

Ruŵi po ŵanguti ŵavwa ndi ine ŵangundivwiya; ŵalendo ŵangundiziya chakukwaŵa pasi.

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Yeremiya 3:10

Kweni paku vyose ivi Yuda mzichi wake phula kuti wanguwere kwangu ndi mtima wake wose cha, kweni ndi chiphamaso, atiti Ambuya.”

2 Samuele 22:24

Ndenga wambura kususkika paurongo pake, ndipo ndingujisunga ku kwananga.

Jobu 16:17

chingana mu manja ghangu mulivi nkhaza, ndi rombo langu ndakurunjika.

Sumu 54:4

Ehe, Chiuta ndi movya wangu; Ambuya ndi muvikiriya wa umoyo wangu.

Sumu 55:18

Wapozomoskenge mzimu wangu mu chimangu mu nkhondo yo nditurwa, pakuti ŵakumikana nane mbanandi.

Sumu 61:2

kutuliya ku chigoti cha panu pasi ndidana kwaku imwe, penipo mtima wangu wavuka. Ndirongozgeni ine, ku jarawi lo nditali kwakuruska ine;

Sumu 84:9

Tumbikani karonga widu, A Chiuta, karonga yo imwe mukusankha!

Sumu 86:6

Ambuya, tegherezgani ku rombu langu; avwani mazu ghakuŵeyere kwangu.

Sumu 88:3

chifukwa visuzgu vinandi vyandiwiya ndipo nde pafupi ndi nyifwa.

Sumu 102:2

Rekani kubisa chisku chinu kwaku ine mu zuŵa la suzgu yangu! Tegherzgani kwangu, ndipo mundamuke ruŵi ndichidana!

Sumu 143:1

Ambuya, vwani kuromba kwangu, tegherezgani ku kuŵeyere kwangu! Mu ukongorekwa ndi urunji winu mundamuke!