Sumu 16:11 - Tonga Bible 1986

¹¹ Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 16:11 Referans Kwoze

Machitidu gha Ŵakutumika 2:28

Mwandiziŵiska nthowa za umoyo: mundizazenge ndi likondwa pakuŵapo kwinu.’

Yuda 1:24

Ndipo kwaku mweniyo ngwanthazi kumbhozgani ŵambura kuguŵa, ndi kumjarikani paurongo pa unkhankhu wake ŵambura kalema mu chimwemwe chenichikuru,

ŴaEfeso 3:19

ndikuziŵiska chanju cho chaku Kristu chakuzungura mziŵiru, alinga kuti muzazikiye ku uzali wose waku Chiuta.

Nthanthi 4:18

Kweni nthowa ya ŵarunji ye uli mbukweru wa matandakucha weniwo utuwiya-tuwiya mpaka kwachiya limu.

Sumu 17:15

Nge nkhwaku ine, ndikadodoleskanga chisku chinu mu urunji; penipo ndiyuka, ndikakhorwanga ndi kawonekedu kinu.

Mateyu 7:14

Chifukwa ndalifyakafyaka likomo, ndipo njifinyi nthowa, yakurongozge ku umoyo, ndipo mbamanavi ŵakulibowozga.

Yesaya 2:3

ndipo ŵanthu ŵanandi ŵakazanga ŵakatinge: “Zaninga, tikweriyenge ku phiri la Ambuya, ku nyumba yaku Chiuta waku Yakobe, alinga watisambizge nthowa zake, ndi kuti ifwe tendenge mu tunthowa twake.” Pakuti dangu likatuwanga mu Zioni, ndi mazu gha Ambuya, ghakatuwanga mu Yerusalemu.

2 ŴaKorinte 4:17

Chifukwa suzgu yidu yiyuyu yakanyengo yititataliya kwakutaruliya taruliya uzituwa muyaya wa unkhankhu wambura mapimika.

Mateyu 5:8

“Mbakutumbikika ŵakutowa mu mtima: pakuti iwo ŵawonenge Chiuta.

Chivumbuzi 22:5

Ndipo usiku kuti ukaŵangapo so cha; ndipo ŵalivi kukavuka ukweru wa limbuni, chingana ngwa dazi; pakuti Mbuya Chiuta waŵaŵaliyenge; ndipo ŵausenge muyaya ndi muyaya.

1 Petro 3:22

mweniyo we ku marghe ghaku Chiuta, wati waruta kuchanya, pakuthereskeke kwaku iyo ŵangelo ndi mitufu ndi Vyanthazi.

ŴaRoma 8:11

Asani Mzimu waku Chiuta yo wanguyuska Yesu ku nyifwa, waja mwaku imwe, viyo yo wanguyuska Yesu ku nyifwa, wakapaskanga so umoyo ku maliŵavu ghino ghachifweni pakuŵa mu Mzimu mwaku imwe.

1 Yohane 3:2

Mwaŵakwanjiwa, sono te ŵana ŵaku Chiuta, ndipo chindarongoleke ndasono mo tiŵiyenge. Kweni tiziŵa kuti, penipo wakawonekanga, tikaŵanga ŵakukozgana nayo; pakuti tikamuonanga mo waliri.

1 ŴaKorinte 13:12

Chifukwa sono tiwona kazimuzimu nge ndimo tilereske, pa chakuwonapo (galasi) kwakusachizga kweni penipa tazamuwonana chisku ku chisku, sono ndiziŵa kwamalinga; kweni penipa nkhaziŵisiskanga uli ndimo ndaziŵikwiya.

Nthanthi 12:28

Mu nthowa ya urunji mwe umoyo, kweni nthowa ya kunanga yilongozge ku nyifwa.

Marko 16:19

Viyo ndipo Ambuya Yesu, pavuli pa kurongoro nawo, wangurondeke kuchanya, ndipo wangujariya pasi ku janja lamarghe laku Chiuta.

Mateyu 25:33

ndipo wakajarikanga mberere zo ku janja lake la marghe, kweni mbuzi zoku maze.

Sumu 139:24

Wonanimo vinu kalimo kaheni mwaku ine, ndipo ndirongozgeni mu nthowa ya muyaya.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.

Mateyu 25:46

Ndipo yaŵa ŵarutenge ku chilanga chamuyaya: kweni ŵarunjiwo ku umoyo wamuyaya.”

Nthanthi 2:19

palivi yumoza wakuya kwaku iyo mweniyo waweko chingana nkhuti wasaniya so nthowa za umoyo.

Nthanthi 5:6

kuti watiyiphwere cha nthowa ya umoyo; nthowa zake ziyingayinga kweni iyo kuti waziŵa cha.

Machitidu gha Ŵakutumika 7:56

ndipo wanguti, “Awonani, ndiwona machanya gho ghakujurika, ndi Mwana wa munthu yo watuma ku marghe ghaku Chiuta.”

Sumu 4:8

Mu chimangu ndigonenge pasi ndi ndirenge tulo; chifukwa imwe mwija, A Chiuta, mutindijariska mwakufwasa.

Sumu 68:4

Mbiyani Chiuta, mbiyani unkhankhu ku zina lake; murongosoliyeni nthowa, iyo wakukwera pa mitambo. Zina lake ndi Ambuya kondwani paurongo pawo.