Sumu 148:14 - Tonga Bible 1986

¹⁴ Asoske pachanya nthazi ya ŵanthu ŵawo, rumbani chifukwa cha ŵatuwa ŵawo, chifukwa cha ŵanthu ŵaku Yisraele, khamu lapa mtima wawo. Rumbani Ambuya!

Sumu 148:14 Referans Kwoze

Sumu 75:10

Wabwanganduwenge nthazi yose ya ŵaheni, kweni nthazi ya ŵakurunjika yikakuzgikanga.

ŴaEfeso 2:17

ndipo wanguzamtauliya chimangu kwaku imwe mwaŵakutari, ndi kwaku wo ŵakufupi:

Marangu 4:7

Pakuti palivi mtundu ukuru wa ŵanthu wo ŵendi chiuta pafupi nawo, mo Ambuya Chiuta walili pafupi ndi ifwe penipo titumudaniya?

1 Samuele 2:1

Ndipo Hana wanguromba wanguti, “Mtima wangu ukondwere mu Ambuya, nthazi zangu zasoskeke mu Ambuya. Mlomo wangu useka ŵarwani ŵangu, chifukwa ndikondwere mu uwombozi winu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Marangu 10:21

Ndiyo unkhankhu winu, ndiyo Chiuta winu, mweniyo wamuchitiyani vinthu vikuru ndi vyakofya, vyo maso ghinu ghawona.

Sumu 112:9

Wapaska kwa wanangwa ku ŵasauchi, ndipo wezi wake ngwa muyaya; wakaŵanga ndi mazaza ndi kutumbikika.

ŴaEfeso 2:13

Kweni sono mwaku Kristu Yesu imwe, mwaŵakuŵa kutari kali, mwanderezgeka kufupi mu ndopa zaku Kristu.

Sumu 149:9

kuŵika paku iwo cheruzgu chakulembeka! Uwu mbupundi wa ŵanthu ŵawo ŵamagomezgeka. Rumbani Ambuya!

ŴaEfeso 2:19

Viyo na kuti mweche ŵalendo so cha ndi ŵakutandara, kweni mwe ŵaufumu, ŵanase ŵa ŵakupaturika wo,

Luka 2:32

ukweru wakuvumbuliya ŵaMitundu, ndi unkhankhu wa khamu linu Yisraele.”

Luka 1:52

wasiska ŵamazaza ku vitengu, ndipo wakwezga ŵakuyuyulika.

Yeremiya 17:14

Ndichizgeni, Ambuya, ndipo ndikachizgikanga; ndipozomoskeni, ndipo ndikapozomokanga; pakuti imwe ndimwe rumbu langu.

Sumu 145:10

Nchitu zinu zose, Ambuya ziwongenge imwe, ndipo ŵatuŵa ŵinu ŵatumbikenge imwe!

Sumu 92:10

Imwe mwandichitiska kuŵa wanthazi nge ndi njati; ndipo mwanditumbika ndi malikondwa.

Sumu 89:17

Mutitipaska maupundi ghakuru; mu ulemu winu ndimu tiruskiya,

Sumu 89:18

chifukwa mukusankha wakutivikiriya; imwe Mtuŵa Yumoza waku Yisraele, mukutipaska karonga widu.