Sumu 147:5 - Tonga Bible 1986

⁵ Mbakuru Ambuya, ndi anthazi zikuru; kuwamo kwawo nkhwambura wakonkhomeka.

Sumu 147:5 Referans Kwoze

Yesaya 40:28

Kuti ukuziŵa cha? Kumbi ulivi kuvwa? Ambuya ndiyo Chiuta wa muyaya, Mlengi wa vigoti vya charu chapasi. Kuti wagongowa chingana nkhuvuka cha, kuwamo kwake nkhwambura mapenjeka.

Sumu 96:4

Pakuti ndi mura Mbuyafwe, ndipo ngwakwenere kurumbikadi; watenere kopeka ukongwa kwakuruska ŵachiuta wose.

ŴaRoma 11:33

Ndimba nayo ya usambasi wa zeru ndi so wa mziŵiru waku Chiuta; vyeruzgu vyake vizira mapenjeka mbwenu, ndi nthowa zake zizira mateskeka!

Nahumu 1:3

Ambuya mbachizita ku ukari ndi anthazi zikuru, ndipo kuti Ambuya afwatuwenge ŵalakwi cha. Nthowa yawo yemu kavuru-vuru ndi chimphunga, mitambo ndi fuvu la marundi ghawo.

Sumu 48:1

Ndi mukuru Mbuyafwe ndi wakwenere kurumbikadi mu msumba waku Chiuta widu!

Sumu 40:5

Ambuya, Chiuta wangu, mwandaniska nchitu zinu zakuziziswa ndi maghanaghanu ghinu gha paku ifwe; palivi nanga njumoza wakuyana namwe! Asani ndenga wakughataula ndi kughakamba, mphanyi ghaŵa ghanandi ghambura maŵerengeka.

Yeremiya 10:6

Kulivi nanga njumoza wakukozgana namwe, Ambuya mwe; mwe ŵakuru, ndipo zina linu nda nthazi ukongwa.

1 Mikoka 16:25

Chifukwa mbakuru Ambuya ndi ŵatenere kuthamikika ukongwa, ndi ŵatenere kopeka kwakuruska ŵachiuta wose.

Chivumbuzi 15:3

Ndipo ŵambanga sumu yaku Mosese, muŵanda waku Chiuta, ndi sumu ya Mwana-mberere yo, ŵakuti, “Ngakuru ndi ngakuziziswa machitidu ghinu, Ambuya Chiuta, Mwaŵanthazizose! Ngakurunjika ndi ngakuneneska mendedu ghinu, mwa karonga wa migonezi!

Sumu 145:3

Mbakuru Ambuya, ndipo mbakwenere kurumbika ukongwa; ukuru wawo ngwambura kupenjeka.

Sumu 99:2

Ambuya mbara mu Zioni; ndipo mbakutumphulika pachanya pa ŵanthu wose.

Sumu 135:5

Ndiziŵa kuti mabakuru Ambuya; mbakuru kwakuruska ŵachita wose.

Jobu 36:5

“Wonani, Chiuta ngwanthazi ndipo kuti wayuywa yumoza cha; ngwakuruska mu nthazi za vinjeru.

Yeremiya 10:7

Njani yo wangareka kumopani imwe, mwa Karonga ŵa mitundu? Pakuti mwe ŵakwenere kopeka; mukati mu ŵazeru wose ŵa mitundu ya ŵanthu ndi mu maufumu ghawo ghose mulivi wakuyana ndi imwe.

Danyele 2:20

Danyele wanguti: “Lithamikike zina laku Chiuta muyaya ndi muyaya, chifukwa zeru ndi nthazi vyake.