Sumu 147:2 - Tonga Bible 1986

² Ambuya azenga so Yerusalemu; awezga ŵakuparghang'ika ŵaYisraele.

Sumu 147:2 Referans Kwoze

Yesaya 56:8

Viyo atiti Ambuya Chiuta, mweniyo wawunjika ŵakutayika ŵaku Yisraele, ndikawunjikanga mbwenu ŵanyake kwaku iyo pade paku wo ŵakuwunjikika kale.”

Sumu 51:18

Chitiyani umampha Zioni mu kukondwa kwaku mwaŵeni; zengani so malinga ghaku Yerusalemu,

Marangu 30:3

penipo Ambuya Chiuta winu wakamuwezgiyaninga mwaŵi winu, wakamufwiyaninga lisungu, ndipo wakamuwunjikaninga so pamoza kutuwa ku ŵanthu wose kweniko Ambuya Chiuta winu wakuparghang'iyani.

Ezekiele 38:8

Pavuli pa virimika vinandi ukadanikanga, mu virimika vya umari ukarutanga kumikana ndi charu cho chikuwezgeka ku nkhondo, charu cho ŵanthu ŵa mitundu yinandi ŵanguwunganamo kumikana ndi mapiri ghaku Yisraele gho ghaŵa mapopa kwa nyengo yitali; ŵanthu ŵake ŵakuwezgeka kutuwa mu mitundu ndipo sono wose pamoza ŵaja kwakufwasa.

Yeremiya 32:37

Ehe, ndikaŵaunjikanga kutuwa ku vyaru vyose vyenivyo ndinguŵadikiskiyako mu kukwiya ndi kukara kwangu, ndimu ukari wangu uzitu, ndikaŵawezgiyanga ku malo yagha, ndipo ndikaŵajarikanga pakukho.

Yesaya 62:7

ndipo mungamupaskanga kupumuwa cha mpaka penipo wazenga Yerusalemu ndi kumuchita rumbu mu charu chapasi.

Yesaya 14:32

Kumbi munthu waghamukenge uli mathenga gha mtundu? “Ambuya ndiwo akuzenga Zioni, ndipo mwaku wo ŵakusuzgika ŵa ŵanthu ŵasaniya pakubisama.”

Yeremiya 31:4

Ndikakuzenganga so, ndipo ukazengekanga, wa mwali we Yisraele! Ukajinozganga so ndi ŵazeze, ndipo ukarutanga kwachivina ndi ŵakusangaruka.

Yesaya 27:13

Ndipo mu zuŵa liya mbata yikuru yikambikanga, sono wo ŵangusoŵe mu charu cha Asiriya ndi wo wangudikiskikiya ku charu cha Egipiti wakazanga ndi kusopa Ambuya pa phiri lakupaturika mu Yerusalemu.

Nehemiya 7:4

Msumba wenga usani ndi ukuru, kweni ŵakuja mwenimo ŵenga ŵamana ndipo nyumba zengavi kuzengeka.

Danyele 9:25

Viyo uziŵi ndi uwemu, kwamba kutuwa kwa mazu ghakuwezga ndi kuzenga so Yerusalemu, kufika kukuza kwa wakupakika yo karonga, kuŵenge ŵasabata ŵankhonde ndi ŵaŵi. Viyo wazengekenge so ndi zinthowa ndi linga mu ŵasabata machumi ghankhonde ndi limoza pachanya ŵaŵi (62) kweni munyengo ya suzgu.

Mateyu 16:18

Ndipo ine nane ndinene iwe, kuti ndiwe Petro, ndipo pa jarawe lenili nkhazenganga eklesiya langu; ndipo nthazi za nyifwa kuti zingalipunda cha.

Nehemiya 6:15

Viyo linga lingumara pa zuŵa la machumi ghaŵi la mwezi wa Elulu mu mazuŵa machumi ghankhonde pachanya mazuŵa ghaŵi (52).

Nehemiya 6:16

Ndipo penipo ŵakupindikana ŵidu wose ŵanguvwa kuti kwe viyo, mitundu yose yakutizunguliya yingutenthema ndipo yingudelukadi nthazi, pakuti ŵanguziŵa kuti nchitu iyi yingufiskika ndi chovyo chaku Chiuta widu.

Sumu 102:17

Akavwanga ŵanthu ŵawo ŵakupatika, ndipo akategherezganga ku rombu lawo.

Yeremiya 31:10

“Avwani mazu gha Ambuya, mwa ŵamitundu, ndipo mughataule mu malikumba gha kutali: Munene, ‘Yo wanguparghang'a Yisraele wakawunganiskanga ndipo wakamusunganga uli ndimo muliska wasungiya mskambu wake.’

Mika 4:6

Mu zuŵa lo, atiti Ambuya, ndiwunjikenge ŵakupunduka, ndiso ndiwunjikenge wo ŵadikiskika, ndiwo ndaŵasuzga;

Zekariya 8:7

Viyo ndimo anene Ambuya ŵa maŵanja: Nadi, nditaskenge ŵanthu ŵangu ku charu chakuvuma ndi ku charu chaku zambwe;