Sumu 145:10 - Tonga Bible 1986

¹⁰ Nchitu zinu zose, Ambuya ziwongenge imwe, ndipo ŵatuŵa ŵinu ŵatumbikenge imwe!

Sumu 145:10 Referans Kwoze

Sumu 19:1

Machanya ghakonkhoma unkhankhu waku Chiuta; mtambo urongo nchitu za manja ghake.

Sumu 103:22

Tumbikani Ambuya mose mwa nchitu zake, mu malo ghose gha mtufu wake: Tumbika Ambuya, wa mzimu wangu.

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

1 Petro 2:5

ndipo mwaŵeni, uli ndi mya yamoyo muzengeke nyumba ya mzimu, kwachiŵa uzukuru wakupaturika, kuperekapo visopu vya mzimu, vyamarondeka kwaku Chiuta mwaku Yesu Kristu.

ŴaHebere 13:15

Viyo mwaku iyo tipereke kwaku Chiuta rutaruta sembe yakuthamikiya, ndiyo chipasi cha milomo yakuzomerezga Zina lake.

Yesaya 44:23

Mbani mwa machanya, pakuti Ambuya achichita, kamburani, mwa ndimba za charu chapasi; sereni mukumba, mwa mapiri mwe, wa lisuwa we, ndi muti wose wa mwake! Pakuti Ambuya awombo Yakobe, ndipo akakakhuskikanga mwaku Yisraele.

Sumu 104:24

Ambuya, mwachita vinthu vinandi ukongwa! Ndi zeru yinu mwachita ivi vyose! Charu chapasi chazaza ndi vyose imwe mwalenga.

Sumu 97:12

Kondwani mose mwa ŵakurunjika, chifukwa chaku vyo Ambuya achita!

Sumu 68:26

“Tumbikani Chiuta mu ungano wa ŵanthu ŵake; tumbikani Ambuya, mose mwa ŵamphapu yaku Yisraele!”

Sumu 32:11

Kondwani mu Ambuya, ndipo sekeriyani, mwaŵarunji mwe, kamburani ndi chimwemwe, mose mwa ŵakunyoroka mtima!

Sumu 30:4

Koŵeriyani marumbu ku Ambuya, mwaŵatuwa ŵake. Ndipo wongani zina lawo lakupaturika.

Sumu 22:23

Imwe ŵakopa Chiuta, murumbeni! Mose mwa ŵana ŵaku Yakobe, mukankhuskeni, ndipo mani ndi chitenthe, mose mwa ŵana ŵaku Yisraele!

Sumu 30:5

Pakuti ukari wawo ngwa kanyengo kamanavi, kweni chifundu chawo nchaku umoyo wose. Kuliya kungaŵapo usiku wose, kweni ku mlenji kuŵenge chimwemwe.

Sumu 57:9

Ndiwongenge imwe, Ambuya, mukati mu ŵanthu; ndimbiyenge kwaku imwe marumbu mukati mu mitundu.

Sumu 69:35

Chifukwa Chiuta wakataskanga Zioni, ndi kuzenga so misumba yaku Yuda; ŵanthu ŵake ŵakajanga mwenimo ndi kuhara charu;

Sumu 149:5

Ŵakongorekwa ŵangare mu unkhankhu; ŵambenge ndi chimwemwe mu vita vyawo.