Sumu 141:5 - Tonga Bible 1986

⁵ Munthu wamampha wandilange ndi kundichenya mwa ulemu, kweni kuti ndizomerezgenge muheni kundipaka mafuta ku mutu cha, chifukwa nyengo yose ndirombe pa nchitu zawo ziheni.

Sumu 141:5 Referans Kwoze

Wakutaula 7:5

Nkhwamampha munthu kuvwiya kuchenya kwa ŵavinjeru kwakuruska kuvwa sumu za ŵazereza.

Chivumbuzi 3:19

Ŵeniwo wose nditanja, ndituŵachenya ndikuŵalanga: viyo pamphuka, ndi ng'anamuka.

ŴaGalatia 6:1

Mwaŵabali, asani munthu wakoreka mu ubudi wakuti e, imwe mwa ŵamzimu munyoroskeni waviyo mu mzimu wa upovu, pakujithoŵa wamweni, vinu nawe so ungeseka.

Nthanthi 25:12

Uli ndi mphete ya golide pamwenga kakuzganga ka golide ndimu walili wakuchenya wazeru ku gutu lakutegherezga.

Nthanthi 19:25

Puma wakunyoza, ndipo wauliuli wasambirenge kujitintha; chenya munthu wakuwamo, ndipo wakanduwanga chinjeru.

Nthanthi 15:5

Wakupusa wayuyuwa kwambuzga kwa awiske, kweni yo waphwere kuchenya ngwazeru.

2 Mikoka 25:16

Kweni weche kukamba, karonga wanguti kwaku iyo, “Kumbi takumika kuŵa mpangi-fundu wa karonga? Chetama! Vinu ungabayika?” Viyo mchimi wanguchetama, kweni wanguti, “Ndaziŵa kuti Chiuta wadumuwa kukubaya chifukwa wachita ichi ndipo kuti wavwiya fundu yangu cha.”

Nthanthi 6:23

Pakuti dangu ndi nyale mbukweru, ndipo kuchenjezga pakuvwiya ndi nthowa ya umoyo,

Sumu 125:4

Ambuya, kwakuwo mbamampha chitiyani umampha, ndi kwakuwo mbakutowa mu mitima yawo!

Sumu 51:18

Chitiyani umampha Zioni mu kukondwa kwaku mwaŵeni; zengani so malinga ghaku Yerusalemu,

Sumu 23:5

Murongoso gome paurongo pangu, mu maso gha ŵarwani ŵangu; mutu wangu mwawupaka ndi mafuta, chandi chanu chifuza.

Mateyu 5:44

Kweni ine ndikuneniyani, Ŵanjeni wamawongu ŵinu, ndipo ŵarombiyeni ŵakuŵemba imwe,

Nthanthi 15:22

Kwambura chipangu vyakurongosoleka vinangika, kweni ndi ŵakuchinyiya ŵanandi vichitika umampha.

ŴaLevi 19:17

“Mungatinkhanga mwana munyinu mu mtima winu cha, kweni mukambiskanenge kwakujarikana umampha ndi muzengezgani winu, vinu mungatopo ulakwi chifukwa chake.

Nthanthi 12:1

We yose wakwanja kuvwiya watanja chinjeru, kweni mweniyo watinkha kuchenjezgeka ndi bereŵeza.