Sumu 140:13 - Tonga Bible 1986

¹³ Nadi ŵarunji ŵakarumbanga imwe; wakajanga pa maso pinu.

Sumu 140:13 Referans Kwoze

Yesaya 3:10

Unene ŵarunji kuti kukaŵanga umampha kwaku iwo, pakuti ŵakarghanga vipasi vya nchitu zawo.

Sumu 16:11

Imwe mtindirongo nthowa ya umoyo; mugutu wa chimwemwe we mwaku imwe, vyakukondweska mu janja linu la kurghiya vya muyaya.

Sumu 11:7

Chifukwa mbakurunjika Ambuya, atanja nchitu zakurunjika; ŵakunyoroka ndiwo ŵawonenge chisku chawo.

1 ŴaTesalonika 4:17

pavuli pake ifwe taŵamoyo, taŵakujaririya, tikakwamphulikiyanga pamoza nawo mu mitambo, kwachikumana ndi Ambuya mude; ndipo viyo tikaŵanga muyaya pamoza ndi Ambuya.

Yohane 17:24

Ada, wo mwandipaska, ndikhumba kuti ko nde ine, iwo nawo ŵaŵe pamoza nane; mwakuti ŵawone unkhankhu wangu, weniwo mukundipaska; pakuti mungundanja, chenga chindajarikike charu.

Yohane 14:3

Ndipo asani ndaruta ndi kukurongosoleni malo, ndituza so, ndipo ndazamkukutoriyani kwaku ndamweni; alinga kuti ko nde ine, namwe so muŵe kweniko.

Sumu 97:12

Kondwani mose mwa ŵakurunjika, chifukwa chaku vyo Ambuya achita!

Sumu 73:24

Mutindirongozga ndi chirunguchizgu chinu, ndipo pa umari mwa mkundironde ndi chitumbiku.

Sumu 32:11

Kondwani mu Ambuya, ndipo sekeriyani, mwaŵarunji mwe, kamburani ndi chimwemwe, mose mwa ŵakunyoroka mtima!

Sumu 23:6

Nadidi umampha ndi lisungu vindirondonge mazuŵa ghose gha umoyo wangu; ndipo nkhajaririyanga mu nyumba ya Ambuya muyaya.

Jobu 36:6

Kuti wasunga ŵamoyo ŵaheni cha, kweni wapaska ŵakusuzgika vyo vyakwenere.

Sumu 35:10

Viwanga vyangu vyose vikatinge, “A! Ambuya, njani wakuyana ndi imwe, ndimwe mutaska wambura nthazi kwaku yo ngwanthazi zakuruska iyo, wakutomboroka ndi msauchi kwaku mweniyo watimuskoŵa?”

Nthanthi 22:23

pakuti Ambuya akaŵakambiyanga murandu wawo ndi kupoka umoyo waku ŵeniwo ŵapoka umoyo wawo.