Sumu 14:4 - Tonga Bible 1986

⁴ Kumbi wareka kuziŵa, wose ŵakuchita utimbanizi wo ŵaturgha ŵanthu ŵangu ulaka nge ndimo ŵarghiya chiŵande, ndipo kuti ŵadana ku Ambuya cha?

Sumu 14:4 Referans Kwoze

Sumu 79:6

Kwiyani ndi mitundu yo yireka kumuziŵani imwe, ndi maufumu gho ghareka kudana pa zina linu!

Yeremiya 10:25

Punguliyani ukari winu pa mitundu yeniyo yireka kumuziŵani imwe, ndi pa ŵanthu wo kuti ŵadana pa zina linu cha, pakuti ŵamuzwanduwa Yakobe; ndi kumurgha, ndipo ŵapopeska charu chake.

Yesaya 64:7

Palivi mweniyo wadana pa zina linu, wakujipamphuska kumukoreskani imwe; pakuti mwabisa chisku chinu kwaku ifwe, ehe, mwatipereka mu janja la mphutupuru zidu.

Sumu 82:5

Kuti ŵaziŵa cha chingana nkhuwamo, ŵatenda-enda mu mdima, ndipo urunji wawara mu charu chapasi.

ŴaRoma 1:28

Ndipo uli ndimo ŵangukaniya kuŵa ndi Chiuta mu mziŵiru wawo, Chiuta iyo wanguŵapereka ku chinjeru chauzereza kuchita vyamwikhu,

Amosi 8:4

Vwani ichi, imwe mukandirizga ŵasauchi, ndi mumara ŵakavuŵamu charu,

Sumu 27:2

Ŵachindifikiya ŵakuchita uheni kuzachindikambiya mautesi, ŵakupindikana nane ndi ŵamawongo, ŵakaguŵanga ndikuwa.

ŴaGalatia 5:15

Kweni asani murumana ndi muturghan, cheŵani vinu mungamarizgana.

Hoseya 7:7

Ŵose mbakocha nge ndi ng'anjo, ndi ŵameza mafumu ghawo. Ŵakaronga ŵawo wose ŵawa; ndipo palivi yumoza yo wasopa ine.

Yesaya 45:20

“Mujiwungang'e ndi muzenge, ndereni pafupi pamoza, mwa ŵakujapo ŵa mitundu! Kuti ŵawamo cha wo ŵanyamuwa-nyamuwa ŵangoza ŵawo ŵa miti ndipo wakiyakiya kuromba kwa ku chiuta yo kuti waziŵa kutaska cha.

Yesaya 29:14

chifukwa cho ehe, ndiwerezgengepo kuchita vinthu vyakuziziswa ndi ŵanthu yaŵa, vyaminthondwe ndi vyakuziziswa; ndipo vinjeru vya ŵanthu ŵawo ŵazeru vikawaranga, ndipo kuteska kwa ŵanthu ŵawo ŵakuteska kukabisikanga.”

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Jobu 27:10

Kumbi wakakondweriyanga mu Wanthazizose? Kumbi wakadananga pa zina laku Chiuta, nyengo zose?

Yesaya 5:13

Ndicho chifukwa ŵanthu ŵangu ŵaruta ku umkoli chifukwa chakusoŵa zeru; ŵanthu ŵawo ŵakuzirwa ŵatufwa ndi nja, ndipo ŵanandi ŵa ŵanthu ŵawo ŵatufwa chiparantha.

Jobu 21:15

Wanthazizose ndiyani kuti timutataliye? Ndipo chanduwu nchine cho tironde pakumuromba?’

Nthanthi 30:14

Ŵalipo ŵeniwo minyu ghawo ndi malipanga, ŵeniwo minyo ghawo ndi vimayi, kuphwanyiya ŵakavu, kuŵamara mu charu chapasi, ŵasokwa kuŵatuzga mukati mu ŵanthu.

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.