Sumu 14:3 - Tonga Bible 1986

³ Wose ŵapatuka ŵavundiya wose pamoza; kulivi wakuchita umampha, kulivi nanga njumoza.

Sumu 14:3 Referans Kwoze

Yesaya 53:6

Tose nge ndi mberere taranda; tang'anamukiya yumoza ndi yumoza ku nthowa yake; ndipo Ambuya ayirika paku iyo mauheni ghaku ifwe tose.

Yesaya 64:6

Ifwe tose taŵa uli ndi yo ngwakukazuzgika, ndipo nchitu zidu zose za kurunjika ze nge ndi chivwalo cha ukazuzi. Tose tifota ulaka ndi jani, ndipo maulakwi ghidu, uli ndi mphepo ghatitiputiska.

ŴaRoma 3:23

chifukwa wose ŵakulakwa, ŵapereŵe pe unkhankhu waku Chiuta;

Sumu 14:1

Wakupusa watiti mu mtima wake, “Kulivi Chiuta.” Makuvunda, ŵachita vya ukazuzi, kulivi wakuchita umampha.

Jobu 14:4

Ndiyani wangato chinthu chakutowa mukati mu chinthu chakufipa? Palivi nanga njumoza.

Sumu 58:3

Ŵaheni ŵaranda kutuliya ku chibali, ŵaranda kutuliya ku kawi, ŵakamba mautesi.

ŴaEfeso 2:3

mukati mwaku ŵeniwo nafwe so tingujijariya tose mu maulakalaka gha liŵavu lidu, ndi kutataliya makhumbu gha liŵavu ndi maghanaghano, ndipo taŵanga mu kaŵiru ŵana ŵachikaralizga, nge mbakujapo nawo:

Sumu 143:2

Rekani kusere mu cheruzgu ndi mteŵeti winu; chifukwa pa maso pinu palivi nanga njumoza yo ngwakurunjika.

Ezekiele 36:25

Ndikamijanga maji gha kutowa paku imwe, ndipo mukatowanga ku kufipirwa kwinu kose ndikakutoweskaninga ku ŵangoza ŵinu wose.

Yeremiya 2:13

pakuti ŵanthu ŵangu ŵachita mauheni ghaŵi: ŵandireka ine, ndachisima cha maji gha umoyo, ndipo ŵajikumbiya visima, visima vyaku sweka, vyo kuti visunga maji cha.

2 ŴaKorinte 7:1

Viyo pakuŵa ndi mapanganu ghenagha, mwaŵakwanjiwa, tijitozge ku ukazuzi wose wa liŵavu ndi mzimu, ndipo tiŵe ŵakhovu mu chopu chaku Chiuta.

Sumu 119:176

Ndiyingayinga nge ndi mberere yakuranda; viyo zani ndipenjeni, ndamteŵeti winu, chifukwa malangulu ghinu kuti ndaghapata cha.

Wakutaula 7:29

Awonani, ichi chija ndicho ndasaniya, kuti Chiuta wangumulenga munthu wakunyoroka, kweni iwo ndiwo ŵapenjapenja nthowa zinandi.

Sumu 38:5

Mabala ghangu ghanunkha ndi kuvunda chifukwa cha uzereza wangu.

Marangu 1:35

‘Nadi palivi yumoza wa ŵanthurumi yaŵa ŵa mgonezi uwu uheni ŵamuwona charu chamampha, cho ndingupangana kupereka kwa auskemwe.

1 ŴaKorinte 6:5

Ndikamba chenichi kumulengeskani. Kumbi kwe viyo kuti mwaku imwe mulive yumoza wazeru, yo wangaziŵa keruzga pakati pa ŵabali?

Jobu 15:16

kwe uli ku munthu wakuchita vyaukazuzi ndi vyawaka, munthu yo watumwa kwananga nge ndi maji!

Chituwa 12:30

Ndipo Farao wanguyuka ndi usiku, iyo ndi ŵaŵanda ŵake wose, ndi ŵaEgipiti wose, ndipo mwenga chitenje chikuru mu Egipiti, pakuti pengavi nyumba yo mwengavi kufwapo yumoza.

Chituwa 8:31

Ndipo Ambuya anguchita uli ndimo wangupemphe Mosese, ndi ku ŵanthu ŵake; yengavi kujapo nyezi nanga njimoza.

Chiyambo 6:12

Ndipo Chiuta wanguwona charu kuti chenga chakuwo; pakuti ŵamoyo wose ŵanguwozga nthowa zawo pa charu.

Wakutaula 7:20

Nadidi palivi munthu murunji pa charu chapasi yo wachita umampha ndi kuti walakwa cha.