Sumu 138:7 - Tonga Bible 1986

⁷ Nanga ndipenipo ndazingirizgika ndi masuzgu, mutindisunga pakudekha; mususka, ŵarwani ŵangu ŵakari, ndikunditaska ndi nthazi yinu.

Sumu 138:7 Referans Kwoze

Yesaya 41:10

ungopanga cha, pakuti ndenawe pamoza, ungatenthemanga cha pakuti ndine Chiuta wako; ndikakukhomeskan'ga, ndikakovyanga, ndikakusunganga ndi janja langu, lakurghiya la upundi.

Sumu 85:6

Asi imwe muwerezgengepo kutisisipuska mwakuti khamu linu likondwere mwaku imwe?

Machitidu gha Ŵakutumika 2:33

Viyo pakukwezgeke ku marghe ghaku Chiuta ndipo wati waronde ku Dada chipanganu cho cha Mzimu Wakupaturika, wapunguliya paku ifwe chenicho imwe muwona ndi mutuvwa.

Yesaya 5:25

Chifukwa cho kukara kwa Ambuya kungukole pa ŵanthu ŵawo, ndipo angutambaruliya janja lawo paku wo ndi anguŵakoso, maphiri ghanguyaghayika; ndipo viŵanda vyawo vyenga nge ndi choto mu miseu mukati. Paku vyose ivi kukara kwawo kuti kwakungunuka cha ndipo janja lake leche kutambaruka.

Yesaya 10:4

Palivi chakujako kweni kusindama pasi mukati mu ŵamagoŵa pamwenga kuwa mukati mu ŵakubayika. Mu chifukwa chose ichi, kukara kwake kuti kwarata kunyake cha ndipo janja lake leche kutambaruka.

Jobu 13:15

Ehe, wakandibayanga; ndilive chigomezgu; ndipuuli nkhavikiriyanga nthowa zangu pa maso pake.

Yeremiya 51:25

Ehe, ine ndilimbana ndi iwe, waphiri laku bwanganduwa we, atiti Ambuya, lo libwanganduwa charu chose chapasi; ndikatambaruliyanga janja langu paku iwe, ndi kukukunkhuzga pa mya yakujemuka, ndi kukuchita kuŵa phiri la kufya.

Sumu 60:5

Alinga kuti wakwanjiwa winu wataskike, paskani upundi ndi janja linu lakurghiya ndipo mutamuke!

Sumu 17:7

Kwakuziziswa, rongoni chanju chinu chakufikapo, mutaske ndi janja linu lamarghe wo ŵapenja utaski winu ku ŵarwani wawo.

Sumu 77:10

Pavuli ndinguti, “Cho chitindipweteka weniukongwa nchakuti Chiuta kuti ngwanthazi so cha.”

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

Sumu 18:35

Imwe mwandipaska nguru ya chipozomosko chinu, janja linu la kurghiya landikoreze, ndipo chovyo chinu chandikuzga ukongwa.

Sumu 56:9

Penipo ndipo ŵarwani ŵangu ŵaweriyenge vuli muzuŵa lo ndidaniya. Cho ndiziŵa nchakuti, Chiuta we pamoza nane.

Sumu 20:6

Sono ndiziŵa kuti Ambuya akawovyanga wakupakika wawo; amukenge iyo kutuwa kuchanya kwawo kwakupaturika ndi nthazi za upundi za janja lawo la marghe.

Yesaya 9:21

Manase waturgha Efraimu, Efraimu waturgha Manase, ndipo wose pamoza ŵatinkha Yuda. Mu chifukwa ichi chose, kukara kwake kuti kwarata kunyake cha ndipo janja lake leche kutambaruka.

Yesaya 9:17

Chifukwa cho Ambuya kuti akondwere cha pa ŵampupuka ŵawo, ndipo walivi chitima pa ŵana ŵaranda ndi vyoko; pakuti we yose yo walivi Chiuta ndipo ndimchita uheni, mlomo wose ukamba ubereŵeza. Mu chifukwa ichi chose kukara kwawo kulive kuwezgeka, ndi janja lawo leche kutambaruka.

Yesaya 9:12

ŴaSiriya kuchiri ku vuma ndi ŵaFilisti kuchiri ku zambwe, kumeza Yisraele ndi mlomo wakuyasama. Mu chifukwa ichi kukara kwake kulivi kuwezgeka janja lake leche kutambaruka.

Yesaya 57:16

Pakuti kuti ndikakwiyanga Muyaya cha, chingana nkhuti ndikakaripanga nyengo zose cha; pakuti kwangu ndiku kutuwa mzimu wo, ndipo ndine ndikulenga mvuchi waumoyo.

Sumu 18:17

Angundipozomoska ku murwani wangu wanthazi, kwaku wo ŵangunditinkha; pakuti kwangu ŵenga ŵanthazi, ukongwa.

Sumu 18:18

Ŵangundiziya mu zuŵa la soka langu; kweni Ambuya anguŵa uja wangu.