Sumu 135:4 - Tonga Bible 1986

⁴ Ambuya akujisankhiya Yakobe, ŵaYisraele kuŵa chihara chawo.

Sumu 135:4 Referans Kwoze

1 Petro 2:9

Kweni ndimwe fuku lakusankhika, uzukuru waufumu, mtundu wakupaturika, khamu lapa mtima wake, viyo kuti mutaulenge maumampha ghaku mweniyo wangumdanani mu mdima kuyiya ku ukweru wake wakuzizwiska;

Marangu 10:15

Ndipuuli, Ambuya angukondwa ndi kuŵanja auskemwe ndipo Ambuya angusankha mphapu yawo ya pavuli pawo, imwe muruska ŵanthu ŵanyake wose, mpaka zuŵa lino.

Malaki 3:17

“Ŵakaŵanga ŵangu, atiti Ambuya ŵa maŵanja, usambasi wangu wa pade pa zuŵa lo ndichichita. Ndipo ndiŵachitiyenge lisungu nge ndimo munthu wachitiya ndi mwana wake yo watimteŵete.

Yesaya 41:8

Kweni iwe, Yisraele, muŵanda wangu, Yakobe, yo ndatondo, mphapu yaku Abrahamu, bwezi langu;

Sumu 105:6

Mwa ŵamphapu yaku Abrahamu mteŵeti wawo, mwa wana waku Yakobe, mwa ŵakusankhika ŵawo! Mwa ŵana ŵaku Yakobe, mwa ŵakusankhika ŵawo!

Sumu 33:12

Wakutumbikika ndi mtundu wo Chiuta wake ndi Ambuya, ŵanthu wo aŵasankha kuŵa ŵanthu ŵawo.

1 Samuele 12:22

Ambuya kuti amudikeninge cha, pa chifukwa cha zina lawo likuru pakuti kwaŵakondweska Ambuya kumumikani imwe kuŵa ŵanthu ŵake.

Marangu 32:9

Pakuti chigaŵa cha Ambuya mbanthu ŵawo, Yakobe ndi chigaŵa Chake chakupaskika.

Tito 2:14

mweniyo wangujipaska pa chifwa chaku ifwe, alinga kuti wawombolenge ifwe kwamu uchikana marangu wose, ndi wajitozgiyenge khamu lapa mtima wake, lakupamphukiya nchitu zeneko.

Marangu 26:18

Ndipo Ambuya ataula msana wale gha paku imwe kuti ndimwe ŵanthu ŵapa mtima wawo, uli ndimo akupanganirana namwe, ndi kuti mukasunganga marangu ghawo ghose,

Yeremiya 51:19

Mweniyo nchigaŵa chaku Yakobe kuti wayana ndi ivi cha pakuti ndiyo wangulenga vinthu vyose, ndipo Yisraele ndi khamu lake lakusankhika; Ambuya ŵa maŵanja ndilo zina lawo.