Sumu 132:9 - Tonga Bible 1986

⁹ Ŵazukuru ŵinu ŵataule kuti mutaska ŵanthu ŵinu, ŵatuŵa ŵinu ŵakabure ndi kukondwa!

Sumu 132:9 Referans Kwoze

Jobu 29:14

Ndinguvwara urunji, ndipo nawo ungundivwarika, kweruzga kwangu kunguŵa nge ndi khanju ndi mphumphu yaku mutu.

Chivumbuzi 19:8

Ndipo wanguzomerezgeka iyo kuti wavwarikike bafuta, wakuŵala ndi wakutowa”: chifukwa bafuta wakutowa yo ndi machitidu ghaurunji gha ŵakupaturika.

1 Petro 5:5

Mwaŵamanako, kwakulingana, therani ku ŵara. Ndipo mose ku ŵanyinu mujichinyiriye ndi kujiyuyuwa mtima, pakuti, “Chiuta wamikana ndi ŵakujana, kweni wapaska wezi ku ŵakujiyuyuwa.”

Zekariya 9:9

Sekereni ukongwa, mwa ŵanthu ŵaku Zioni! Kamburani ukongwa, mwa ŵanthu ŵaku Yerusalemu! Wonani, karonga wino watuza kwinu, ndi murunji wendi utaski, ngwakuzika, wakwera pa mbunda, pa mwana wa mbunda yinthukazi.

Yesaya 61:10

Ndikakondwerenga ukongwa mu Ambuya, mzimu wangu ukajikuzgiyanga mwaku Chiuta; pakuti wandivwarika vivwalo vya chipozomosku, wandivwinkha ndi munjirira wa ukongorekwa, uli ndimo mweni nthengwa watijivwarikiya vivwalo vyakunozga nge ndimo mwali wa nthengwa watijinozge ndi vyakung'anima.

Sumu 132:16

Ŵazukuru ŵake ndikaŵavwarikanga utaski, ndipo ŵanthu ŵake ŵakambanga ndi kukambura kwa chimwemwe.

Sumu 104:1

Rumbanga Ambuya, wa mzimu wangu! Ambuya, Chiuta wangu, mwe ŵara ukongwa! Mukuvwarikika ulemu ndi unkhankhu;

Sumu 93:1

Ambuya ausa, avwara unkhankhu, akuvwara ndi kujichinyiriya ndi nthazi. Inya, charu nacho chikukhozgeka; ndipo kuti chikasukunikanga cha;

ŴaRoma 13:14

Kweni vwarani Ambuya Yesu Kristu ndi mungaghanaghaniya ku vyaliŵavu cha, kwachifuska maulankhasi ghake.

Zefaniya 3:14

Mbani ukongwa imwe, mwa ŵanthu ŵaku Zioni; kamburani mwa ŵaYisraele! Kondwani ndi sekereni ndi mtima wose, imwe mwa ŵanthu ŵaku Yerusalemu!

Yesaya 65:14

ehe, ŵateŵeti ŵangu ŵakambanga mu chimwemwe cha mtima kweni imwe mukaliyanga chifukwa cha kuŵaŵa kwa mtima, ndipo mukatenjenga chifukwa cha suzgu ya mzimu.

Sumu 149:5

Ŵakongorekwa ŵangare mu unkhankhu; ŵambenge ndi chimwemwe mu vita vyawo.

Sumu 70:4

Wose ŵakupenja imwe ŵangere ndi kukondwa mwaku imwe! Wose ŵakwanja chipozomosko chinu nyengo zose ŵakambenge, “Ndimukuru Chiuta!”

Sumu 68:3

Kweni ŵarunji ŵakasekerenga ndi chimwemwe paurongo pake; ŵakakondwanga kwakufikapo.

Sumu 47:1

Mwa ŵanthu mose kuŵammanja! Bongoliyani Chiuta ndi kukambura mu sumu za kukondwa!

Ŵeruzgi 5:31

“Viyo ndimu ŵamariya ŵakupindikana ŵinu, Ambuya mwe! Kweni mabwezi ghinu ghaŵe nge ndi lumwi lichituwa ndi nthazi yake.” Ndipo charu chingupumuwa virimika machumi ghanayi.

2 Mikoka 6:41

“Ndipo sono yukani Ambuya Chiuta murutenge mu malo ghinu ghakupumuliyamo, imwe ndi bokosi la phanganu la nthazi zinu. Ŵazukuru ŵinu, Ambuya Chiuta, ŵavwarikike ndi utaski, ndipo ŵatuŵa ŵinu ŵakondwe mu umampha winu.