Sumu 132:15 - Tonga Bible 1986

¹⁵ Ndikamusambasiskanga mwaku vyose vyo wakavuka; ndigutiskenge usauchi wake ndi vyakurgha.

Sumu 132:15 Referans Kwoze

Sumu 147:14

Wasunga umampha mphaka zako; kukugutiska ndi trigu wamampha kwakuruska.

Mateyu 5:6

“Mbakutumbikika ŵakuvwa nja ndi nyota vya urunji: pakuti iwo ŵagutenge.

Luka 1:53

Anja waguska vyamampha; ndipo ŵasambasi wadika ŵambughuya.

Malaki 2:2

Asani mukarekanga kuvwa, asani mukarekanga kulisunga mu mtima kupereka unkhankhu kwaku ine, atiti Ambuya ŵa maŵanja, nkhatumanga thembo paku imwe, ndipo nditembenge vitumbiku vinu. Inya ndavitemba kali, chifukwa kuti mutilisunga lo mu mtima cha.

Hagayi 1:9

Mwapenja vinandi, kweni ehe, vinguŵa vimanavi; ndipo po munguza navyo kumuzi, ndinguviputiskiya kutali. Chifukwa nchine? Atiti Ambuya ŵa maŵanja. Nchifukwa cha nyumba yangu yo njakupasuka, kweni mwatangwanika, munthu yose ndi nyumba yake.

Hagayi 1:6

Mwapanda vinandi, kweni mwavuna vimanavi; muturgha, kweni kuti muguta cha; mutumwa kuti mukhorwa cha, muvwala, kweni palivi yumoza yo wafunda; ndipo yo waronde malipiro, waronde malipiro kughaŵika muthumba lakutoroka.

Yeremiya 31:14

Ndikaliskanga ŵazukuru ndi vyakuzala, ndipo ŵanthu ŵangu ŵakagutanga ndi umampha wangu, atiti Ambuya.”

Yesaya 33:16

Wakajanga pachanya; malo ghake ghakuvikirika ghakaŵanga linga la majarawe; wakapaskikanga kurgha kwake, maji ghake ghakajaririyanga.

Sumu 107:9

Agutiska wo ŵendi nyota, ndipo ŵanja atiŵazaza ndi vyamampha.

Sumu 37:19

mu nyengo ziheni kuti ŵakalengeskekanga cha, mu mazuŵa gha chilala iwo ŵagutenge.

Sumu 37:3

Gomekezga mu Ambuya, chita umampha; viyo ukajanga mu charu, ndi kukondwa umamphavi.

Sumu 36:8

Ŵaguta ndi vyauzari vya nyumba yinu, ndipo mutiŵamweska mu msinji wa vyakukondweska vinu.

Sumu 22:26

Ŵakusuzgika ŵarghenge, ŵagu tenge; wo ŵatimupenja ŵarumbenge Ambuya! Mitima yinu yije ndi umoyo muyaya!

Marangu 14:29

ndipo muLevi, chifukwa walivi chigaŵa pamwenga chihara pamoza namwe, ndi mlendo ndi mranda wambura wiske, ndi choko wo ŵemu mizi yinu, ŵazirghenge ndi kuguta, mwakuti Ambuya Chiuta winu wamutumbikeni mu mlimu wose wa manja ghinu wo muchita.

Chituwa 23:25

Mukatataliyanga Ambuya Chiuta winu, ndipo ine ndikatumbikanga chiŵandi chinu ndi maji ghinu; ndipo ndikatuzgangamo matenda mukati mwinu.