Sumu 132:11 - Tonga Bible 1986

¹¹ Munguchita phanganu lakukho kwaku Davidi, ndipo kuti mukalituzgangapo cha: “Yumoza wa ŵana ŵako ndimuŵikenge pa chitengo chako.

Sumu 132:11 Referans Kwoze

2 Samuele 7:12

Po ghatakuti ghawara mazuŵa ghako uchigona pasi pamoza ndi ausu, nkhasoskanga mphapu yako pavuli pako, yo wakatuliyanga muliŵavu lako, ndipo ndikakhozganga ufumu wake.

Sumu 110:4

Ambuya akuchita phanganu, ndipo kuti akaliwezganga so cha: “Ukaŵanga mzukuru ku muyaya, mu ndondomeka ya uzukuru waku Melkizedeke.”

Machitidu gha Ŵakutumika 2:30

Viyo pakuŵa mchimi, ndipo pakuziŵa kuti ndi rapu Chiuta wamurapiya kuti ku chipasi chamu chiunu chake wangajarikapo yumoza pa chitengu chake cha ufumu.

2 Mikoka 6:16

Viyo sono Ambuya, Chiuta waku Yisraele, sungani cho mungupangana ndi Davidi mteŵeti winu, Davidi ada, kuti, ‘Wasoŵenge cha pamaso ghangu munthu wakuja pa chitengo cha ufumu waku Yisraele, asani ŵana ŵako pe ndiwo ŵangaphwere nthowa yawo, kwenda mu dangu langu nge ndimo iwe wayende paurongo pango.’

ŴaHebere 6:18

alinga kuti mu vinthu viŵi vizira masinthika, mwaku vyo nkhwambura machitika kuti Chiuta waname, tiŵe ndi kachiskidu kakukho, taŵakuthaŵiriya kukoreska chigomekezgu chakujarikikiya ifwe:

Luka 1:32

Mweniyo wakaŵanga mura, ndipo wakadanikanga Mwana wa Wamdengwendi: ndipo Mbuya Chiuta wakampaskanga chitengu chaku Davidi awiske:

Sumu 89:37

Ukakhozgekanga nge ndi mwezi nge ndi kaboni wamagomekezgeka kuchanya.”

Sumu 89:35

Kamoza pe mbwenu ndarapiya pa zina langu lituŵa: Kuti ndikaruwanga Davidi cha!

Sumu 89:33

Kweni kuti nkhalekanga cha kumwanja Davidi, pamwenga kutondeka kusunga phanganu langu paki iyo.

1 ŴaKaronga 8:25

Iku sono, Ambuya Chiuta waku Yisraele, sungani ndi muŵanda winu Davidi ada cho mungupangana nayo, kuti, ‘Kuti wakasoŵangapo munthu wako cha paurongo pangu kuja pa chitengo chaku Yisraele, asani ŵana ŵako pe ndiwo ŵakaphwerenga nthowa yawo, kwenda paurongo pangu nge ndimo iwe wayende paurongo pangu.’

2 Samuele 7:16

Ndipo myumba yako ndi ufumu wako vikajaririyanga kwauneneska pa maso ghangu muyaya; chitengo chako chikakuzgikanga muyaya.’ ”

2 Samuele 7:14

Ndikaŵanga wiske, iyo wakaŵanga mwana wangu, asani walakwa, ndimulangenge ndi nthonga ya ŵanthu ndi malikwechu gha ŵana ŵa ŵanthu;

1 Samuele 15:29

Chiuta yo mbunkhankhu waku Yisraele kuti wapusikenge pamwenga kusintha cha; pakuti Iyo kuti ndi munthu cha kuti wasinthe.”

Maŵerengedu 23:19

Chiuta kuti ndi munthu cha, kuti waname, pamwenga mwana wa munthu, kuti wang'anamuke. Kumbi cho wakamba, kuti wakachitanga cha? Pamwenga cho wanena, kuti wakachifiskanga cha?

1 ŴaKaronga 1:48

Ndipo karonga wangukamba so wakuti, ‘Atumbikike Ambuya, Chiuta waku Yisraele, yo wapaska yumoza wa mbeu yangu kuja pachitengo changu zuŵa lino maso ghangu ghachiwona ichi.’ ”

2 Mikoka 7:18

po ndipo ine ndikhozgenge chitengo cha ufumu wako, uli ndimo ndingupanganirana ndi Davidi ausu, kuti, ‘Wakusoŵenge cha munthu wakuwusa Yisraele.’

Sumu 89:5

Machanya gharumba vyakuziziswa vinu, Ambuya, mu ungano wa ŵakupaturika ŵatumba vya ukongorekwa winu!