Sumu 130:2 - Tonga Bible 1986

² Ambuya, vwani khuta yangu, tegherezgani makutu ku mdanu wakuŵeyere kwangu!

Sumu 130:2 Referans Kwoze

2 Mikoka 6:40

Sono Chiuta wangu, ndimuŵeyani kuti maso ghinu ghajurike ndi makutu ghinu ghategherezge ku rombo lakuchitikiya mu malo yagha.

Yesaya 37:17

Tegherezgani gutu linu, Ambuya, ndipo vwani; jurani maso ghino Ambuya mwe, ndi wonani; ndipo vwani mazu ghose ghaku Senakeribu, gho watuma ghakuyeya Chiuta wamoyo.

Nehemiya 1:11

Ambuya gutu linu litegherezge ku rombu la mteŵeti winu ndi ku rombu la ŵateŵeti ŵinu wo ŵakondwere mukopa zina linu; ndipo mumupundiske mteŵeti winu ndipo mumuchitiye lisunge mu maso ghaku uyo munthu.” Pa nyengo yo ndenga wakupereka nkhombo ya karonga.

Nehemiya 1:6

chonde tegherezgani ndi gutu linu, ndi lereskani ndi maso ghinu kuti muvwe rombu la mteŵeti winu lo ndiromba sono paurongo pinu msana ndi usiku, kurombe ŵanthu ŵaku Yisraele wo mbateŵeti ŵinu, lakuzomera maulakwi gha ŵanthu ŵaku Yisraele gho talakwiya imwe. Inya, ine ndi nyumba ya ada talakwa.

Sumu 140:6

Ku Ambuya ndititi, “Ndimwe Chiuta wangu.” Avwani ku mazu gha kuŵeyere kwangu, Ambuya!

Sumu 64:1

Avwani mazu ghangu, A Chiuta, mu kudagha kwangu; nde wamantha nditaskeni ku ŵarwani ŵangu;

Sumu 28:2

Vwani mazu gha kuŵeyere kwangu, ndichikutiya chovyo kwaku imwe, po ndisoske manja ghangu kulazga ku malo ghinu, ghakupaturika kwakuruska.

Sumu 17:1

Avwani vya urunji wangu, Ambuya; tegherezgani ku kuliya kwangu! Avwani rombu langu lo lituwa mu milomo yambura chinyengo!

Sumu 5:3

Ambuya, ndi mlenji muvwenge mazu ghangu; ndi mlenji ndinozge sembe yangu kwaku imwe, ndi kukhazga.