Sumu 126:2 - Tonga Bible 1986

² Mlomo widu unguzazika ndi kuseka! Ndi lilime lidu kukambura kwa chimwemwe! Sono mitundu yatinge, “Ambuya aŵachitiya vinthu vikuru!”

Sumu 126:2 Referans Kwoze

Jobu 8:21

Wakazazanga mlomo wako ndi vidara, milomo yako ndi kukambura.

Yesaya 35:10

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; kukondwa kwa muyaya kukaŵanga pa mitimu yawo; ŵakarondenga likondwa ndi chimwemwe, ndipo chitima ndi urwirwi vikathaŵanga.

Sumu 71:19

Urunji winu, Chiuta ufika ku mitambo. Vyo mwachita, mwachita vikuru ukongwa; kulivi nanga njumoza wakuyana namwe!

Yeremiya 33:11

mazu gha kuseka ndi mazu gha chimwemwe, mazu gha mweneko wa nthengwa ndi mazu gha mwali wa nthengwa, mazu ghaku wo ŵatumba, penipo ŵatuza ndi mipasku yakuwonge ku nyumba ya Ambuya: ‘Paskani viwongo ku Ambuya ŵa maŵanja, chifukwa mbamampha Ambuya, pakuti ncha muyaya chifundu chawo!’ “Pakuti ndikawezgiyangamo ŵamikoli ŵa charu cho, uli mpha kudanga, atiti Ambuya.

Sumu 53:6

Okwe mphanyi utaski waku Yisraele watuliya mu Zioni! Penipo Chiuta wawezge mwaŵi ŵanthu ŵake, Yakobe wangarenge ndipo Yisraele wakondwenge.

Nehemiya 6:16

Ndipo penipo ŵakupindikana ŵidu wose ŵanguvwa kuti kwe viyo, mitundu yose yakutizunguliya yingutenthema ndipo yingudelukadi nthazi, pakuti ŵanguziŵa kuti nchitu iyi yingufiskika ndi chovyo chaku Chiuta widu.

ŴaRoma 11:15

Chifukwa asani kutayika kwawo kwaŵiya kwanjaniska kwa charu kwaku Chiuta, kurondeka kwaku wo kuŵiyenge chine? Kweni umoyo kutuliya ku ŵakufwa.

Sumu 51:14

Ndipozomoskeni ku mlandu wa ndopa, A Chiuta, imwe ndimwe Chiuta mpozomoski wangu, ndipo lilime langu likamburiyenge imwe chifukwa mwanditaska.

Sumu 14:7

Okwe! Mphanyi chipozomosko chaku Yisraele chatuliya ku Zioni! Ambuya pakuwezga ŵanthu ŵawo ŵamikoli, Yakobe wakakondwanga, Yisraele wangarenge.

Ezra 3:11

ŵambanga ndi kurondiyana, kumutumbika ndi kumuwonga Chiuta, “Chifukwa ngwamampha, wakwanja ŵaYisraele kwa muyaya.” Ndipo ŵanthu wose ŵakamburanga ndi chiwawa chikuru, ŵachitumbika Chiuta chifukwa chiŵanja cha nyumba yaku Chiuta chinguzengeka.

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Yesaya 51:11

Ndipo ŵakuwomboleka ŵa Ambuya ŵakawenga, ŵakazanga ku Zioni ndi kumba; likondwa la muyaya likaŵanga pa mitu yawo; ŵakalondenga likondwa ndi chimwemwe, chitima ndi mitamanthu vikathaŵiyanga kutali.

Yeremiya 31:7

Pakuti atiti viyo Ambuya: “Kamburiyani Yakobe ndi chimwemwe, ndipo yuskiyani kukamburiya fumu ya mitundu; memezani, paskani rumbu, ndipo munene, ‘Ambuya ataska ŵanthu ŵawo, ŵakujapo ŵa ŵaYisraele.’

Ezekiele 36:36

Penipo ndipo ŵa mitundu wo ŵakusiyika kuzingirizga imwe ŵakaziŵanga kuti ine, Ambuya, ndazenga malo ghakubwanganduka, ndapanda so gho ghanguŵa phasulu; ine, Ambuya, ndakamba, ndipo ndikachichitanga.