Sumu 125:3 - Tonga Bible 1986

³ Chifukwa ndodo ya ŵaheni kuti yikausanga pa charu chakugaŵikiya ŵarunji cha, vinu ŵakurunjika wo ŵangatambaluriya manja ghawo ku kuchita uheni.

Sumu 125:3 Referans Kwoze

Nthanthi 22:8

Mweniyo wapanda cheruzgu chizira-urunji wakavunanga soka likuru ndipo ndodo ya ukari wake yikatondekanga.

Sumu 89:22

Ŵarwani ŵake kuti ŵakamupundanga cha, ŵaheni kuti ŵakamuthereskanga cha.

Chivumbuzi 2:10

Ungopanga cha vyo ukomwenge. Awonani, diabolo yo wakhumba kupong'a ŵanyake ŵa mwaku imwe mu ulinda, alinga kuti mweseke; ndipo mukasuzgikanga mazuŵa chumi. Uŵe wamagomekezgeka mpaka nyifwa, ndipo nkhakupaskanga ndumbu ya umoyo.

1 ŴaKorinte 10:13

Kuti kakuziyanipo cha kesedu kakupambana ndiko kaziya pa munthu we yose. Ndipo Chiuta ngwamagomekezgeka, mweniyo kuti wangatayirizga imwe cha kuti mweseke kwakujumpha cho mungakunthiyapo; kweni pamoza ndi kesedu ko wapaskenge so nthowa yakuposomokiyapo, alinga kuti muziŵenge kukunthiyapo.

Yesaya 27:8

Mweso pa mweso, ndi umkoli mungulimbana nawo; wanguŵanderezga ndi ukari wake wakofya mu zuŵa la mphepo yaku vuma.

1 Samuele 24:10

Alereni, zuŵa lino maso ghinu ghawona mo Ambuya amperekiyani mu janja langu mu mphanji ŵanyake ŵatinge ndimubayeni, kweni ine ndamurekani. Ndakamba kuti, ‘Kuti ndiŵikenge janja langu kumikana ndi mbuyangu cha, chifukwa ngwakupakika wa Ambuya.’

Yesaya 10:5

A! Asiriya nthonga ya kukara kwangu, ndodo ya ukari wangu!

Sumu 103:9

Kuti akachenyanga nyengo yose cha, nanga nkhusunga kandundu kawo muyaya.

Sumu 103:14

Chifukwa aziŵa mo tikulengeke; akumbuka kuti te fuvu ifwe.

Sumu 55:20

Mwanasi wangu wangutambaruliya janja lake kumikana ndi ŵabwezi ŵake, wanguswa phanganu lake.