Sumu 12:4 - Tonga Bible 1986

⁴ ŵeniwo ŵatiti, “Ndi lilime lidu tiruskenge, milomo yidu njidu, ndiyani mbuyafwe?”

Sumu 12:4 Referans Kwoze

2 ŴaTesalonika 2:4

yo wamikana ndi watijitumphuskiya paku yose wakuzumbulika Chiuta pamwenga paku cho chisopeka; viyo kuti iyo waja mu kasopi waku Chiuta, wakujirongo nge nkhuti ndiyo Chiuta.

Chituwa 5:2

Kweni Farao wanguti, “Njani yo Ambuya, wakuti ndiphwere mazu ghake, ndikuzomerezga kuti Yisraele warutenge? Nditiŵaziŵa cha wo Ambuya, ndipo so kuti ndizomerezgenge kuti Yisraele warutenge cha.”

Yeremiya 18:18

Sono iwo ŵanguti, “Tiyeni, timuchitiye vya chiŵembo Yeremiya, pakuti dangu kuti likamaranga cha ku mzukuru, chingana ndi fundu ku wazeru, chingana ndi mazu kutuwa ku mchimi. Tiyeni, timupume ndi lilime, ndipo tireke kuphwereko mazu ghake chingana ngamoza.”

Danyele 3:15

Sono asani muzomera kuti mukagwadanga pasi ndi kusopa chikozgu cho ndamika pa mutuvwa kuliya kwa mbata, kumba kwa fyoliro, bangwe, chirumbu, chimbumbuli, mangolongondo, ndi vyakumba vya mitundu yose, iku nchamampha ukongwa; kweni asani kuti mukasopanga cha, mupong'ekenge mu ng'anjo ya moto sosonukweni; ndipo ndiyani Chiuta yo wangaziŵa kumtaskani mu manja ghangu?”

Yeremiya 2:31

Ndipo imwe mwa ŵale phwereni mazu gha Ambuya. Kumbi ine ndaŵa bozwa kwaku Yisraele, pamwenga charu cha mdima uzitu? Na chifukwa nchine ŵanthu ŵangu ŵatiti, ‘Te ŵanangwa tizengeko so cha kwinu’?

Chiyambo 3:5

Pakuti Chiuta waziŵa kuti penipo murghengepo cho, maso ghinu ghakajurikanga, ndipo mukaŵanga uli ndi Chiuta, wakuziŵa umampha ndi uheni.”

Sumu 140:12

Ndiziŵa kuti, Ambuya muvikiriye mrandu wa ŵakusuzgika, ndi kupaska cheruzgu chirunji ku musauchi.

Nthanthi 10:31

Mlomo wa murunji, utuzga zeru, kweni lilime lakulandizga likadumulikanga.