Sumu 119:49 - Tonga Bible 1986

⁴⁹ Kumbukani phanganu linu, ku mteŵeti winu; pakuti landipaska chigomezgu.

Sumu 119:49 Referans Kwoze

2 Samuele 7:25

Ndipo sono Ambuya Chiuta, khozgani muyaya mazu gho mwakamba ghapa mteŵeti winu ndi ghapa nyumba yake, ndipo chitani nge ndimo mwakambiya;

Sumu 106:45

Ndipo pakuŵaphwere angukumbuka phanganu lawo, ndi pa chifukwa cha chanju chawo chikuru anguŵagowoke.

Sumu 106:4

Mundikumbuke, Ambuya, po muchitiya umampha ŵanthu ŵinu; pakuŵataska, munditaskiye nawo, kumoza.

Sumu 119:81

Mzimu wangu utakamiya pakunweka utaski winu; chigomezgu changu che mu mazu ghinu.

Sumu 105:42

Angukumbuka phanganu lawo lakupaturika kwaku Abrahamu mteŵeti wawo.

1 Petro 1:13

Chifukwa chenichi pakujichinyiya mu vionu vya vinjeru vinu, zizani ndi gomekezgiyani limu kwaumari pa wezi wo utolekiyenge kwaku imwe pa uvumbuzi waku Yesu Kristu;

Sumu 119:74

Wo ŵatopa imwe ŵachindiwona ŵakondwenge, chifukwa ndigomekezga mu mazu ghinu.

Sumu 71:14

Ine nyengo yose ndigomekezgenge mwaku imwe; ndikarumbanga imwe rutaruta.

Yesaya 62:6

Ndaŵikapo ŵalonda pa malinga ghako, Yerusalemu we, msana wose ndi usiku wose kuti wakachetamanga cha. Imwe muŵika Ambuya mu chinkhumbu chinu, mungapumuwanga cha,

ŴaRoma 15:13

Ndipo Chiuta yo wa chigomekezgu wakuzazeni ndi chimwemwe chose ndi chimangu mu kuvwana, kuti musambasenge mu chigomekezgu, mu nthazi ya Mzimu Wakupaturika.

Sumu 119:147

Lumwi lenga lindatuwe ndidaniya kwaku imwe chovyo; chigomezgu changu ndiŵika mu mazu ghinu.

Sumu 119:43

Ndizomerezgeni kukamba uthenga wa uneneska nyengo yose, chifukwa chigomezgu changu che mu vyeruzgu vinu.

Sumu 105:2

Mbiyani iwo akoŵeriyeni marumbu; kambani vya nchitu zawo zose zakuziziswa zo atata!

Jobu 7:7

“Kumbukani kuti umoyo wangu ndi mvuchi, jiso langu kuti liwonenge so vyamampha cha.

2 Samuele 5:2

Mu nyengo zaruta, po Sauli wenga karonga pachanya pidu, ndimwe mungurongozga Yisraele kutuwa ndi kuwe nayo; Ambuya angukamba namwe, ‘Ukaliskanga khamu langu Yisraele, ndipo ukaŵanga karonga pa ŵaYisraele.’ ”

Chiyambo 32:9

Ndipo Yakobe wanguti, “Mwa Chiuta wa ada Abrahamu ndi Chiuta wa ada Yisaki, Ambuya, mwaŵenimwe mungukamba nane kuti, ‘Uwere ku charu chako, ndiku ŵabali ŵako, ndipo nkhakuchitiyanga umampha,’

Chiyambo 8:1

Kweni Chiuta wangukumbuka Nowa ndi nyama zose ndi vyakuŵeta vyo vyenga nayo pamoza mu ngaraŵa. Ndipo Chiuta wanguputiska mphepo pa charu, ndipo maji ghangutheruka.

1 Petro 1:21

mwaŵakuvwaniya mwaku iyo paku Chiuta, yo wangumyuska ku ŵakufwa, ndi wangumpaska unkhankhu; viyo kuti chivwanu chinu ndi chigomekezgu chinu viŵe paku Chiuta.