Sumu 119:4 - Tonga Bible 1986

⁴ Imwe mwatipaska marangu ghinu kuti tighavwiye ndi chivwanu.

Sumu 119:4 Referans Kwoze

1 Yohane 5:3

Chifukwa chenichi nchanju cho chaku Chiuta, kuti tisunge marangu ghake; ndipo marangu ghake gho kuti ngazitu cha.

Yohane 14:21

Wakuŵa nagho marangu ghangu, ndi wakughasunga, mweniyo ndiyo watindanja ndipo wakwanja ine wanjiwenge ndi Ada, ndipo ine ndimwanjenge, ndi nkhajivumbuwanga kwaku iyo.”

Mateyu 28:20

ŵakuŵasambizga kuroreze vyose vyo ndalanguliya imwe: ndipo onani, ine nde namwe mazuŵa ghose mpaka ku umari wa mgonezi wo.”

Yeremiya 7:23

Kweni langulu lo ndinguŵapaska ndi ili, ‘Muvwiyenge mazu ghangu, ndipo ine ndikaŵanga Chiuta winu, imwe mukaŵanga ŵanthu ŵangu; mwendenge mu nthowa yose yo ndikulanguliyani alinga kukuŵiyeninga umampha.’

Yohane 14:15

“Asani mutindanja, musungenge marangu ghangu.

Marangu 12:32

“Chinthu chose cho ndimulanguliyani mutenere kuphwere kuchita; mungasazgiyako pamwenga kutuzgako cha.

Yoswa 1:7

Ukhome ŵaka ndipo uchinthi ukongwa; kuŵa wakuphwere kuchita kwakuyana ndi langulu lose lo mteŵeti wangu Mosese wangukulanguliya, ungalisiyanga kurata ku janja la marghe pamwenga la maze mwakuti uŵi ndi kusakata kwamampha ko kose ukayanga.

Marangu 30:16

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

Marangu 11:22

Chifukwa asani mukasunganga marangu ghose yagha ndikulanguliyani kughachita, kuŵanja Ambuya Chiuta winu, kwenda mu nthowa zake zose ndi kubatikana nayo,

Marangu 6:17

Musunge kwalwana marangu ghose gha Ambuya Chiuta winu, ndi visimikizgu vyake, ndi visambizgu vyake vyo wangumulanguliyani.

Marangu 4:1

“Avwani sono, imwe ŵaYisraele, vyakulayizga ndi vyeruzgu vyo ndikusambizgani kuti muvichite, mwakuti muŵe ŵamoyo, mukasere ndikuronda charu kuŵa chinu cho Ambuya Chiuta wa auskemwe ŵamupaskani.

Marangu 11:13

“Asani muvwiyenge marangu ghangu gho ndimulanguliyani zuŵa lino, kwanja Ambuya Chiuta winu ndi kumuteŵete ndi mtima winu wose, ndi umoyo winu wose,

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Chituwa 7:6

Ndipo Mosese ndi Aroni ŵanguchitadi viyo; ŵanguchita uli ndimo Ambuya anguŵalanguliya.

Marangu 6:3

Sono imwe ŵaYisraele vwani marangu ndi ghaphwereni pakughachita, kuti kumuŵiyeni kwamampha, ndi kuti mwandani ukongwa mu charu chakutawara mkaka ndi uche nge ndimo Ambuya Chiuta wa auskemwe wangupanganirana namwe.

Ezra 7:21

“Viyo ine karonga Arataserese ndilangula ŵara wose ŵakusunga chuma cha karonga mu chigaŵa cha kusirgha la msinji. Che chose cho Ezra mzukuru, mlembi wa dangu laku Chiuta wa kuchanya, wafumbenge kwinu, chichitike kwaruŵi,

Ezekiele 20:19

Ine Ambuya nde Chiuta winu; yendaninga mu virunguchizgu vyangu, ndipo phwereni kusunga malangulu ghangu,