Sumu 119:38 - Tonga Bible 1986

³⁸ Sungani phanganu linu, ku mteŵeti winu, lenilo mupaska kwaku wo ŵatopa imwe.

Sumu 119:38 Referans Kwoze

Sumu 147:11

Kweni Ambuya akondwere ndi ŵakuwopa, wo ŵagomekezga mu chanju chawo chakufikapo.

2 ŴaKorinte 1:20

Chifukwa mapanganu ghose ghaku Chiuta, ghasaniya inya wawo mwaku iyo, muchifukwa ichi tikamba, Ameni, mwaku iyo, tichikambiya ku unkhankhu waku Chiuta.

Sumu 103:17

Kweni chifundu cha Ambuya nchakutuwa ku muyaya mpaka ku muyaya, paku ŵeniwo wose ŵati wawopa, ndi ukongorekwa wawo ngwa ku migonezi yose,

Sumu 103:13

Nge ndimo liliri lisungu la wiske pa ŵana ŵake, ndimo Ambuya achitiya lisungu pa ŵakuŵawopa.

Sumu 103:11

Mo kuchanya kuliri ndi charu chapasi, ndimo chifundu chawo chiliri ukuru paku wose ŵakuŵawopa;

Sumu 145:19

Afiska likhumbira laku wose wo ŵati ŵawopa; atuvwa kuliya kwawo ndi atiŵataska.

Sumu 119:49

Kumbukani phanganu linu, ku mteŵeti winu; pakuti landipaska chigomezgu.

1 ŴaKaronga 8:26

Viyo sono, Chiuta mwe waku Yisraele, ghakhozgeke mazu ghinu, gho mungukamba kwaku Davidi ada.

Sumu 119:50

Nanga ndi mu suzgu yangu ndinguŵa wakusangaruka, chifukwa phanganu linu likundipaska umoyo.

Sumu 119:76

Chifundu chinu chindisangaruske kwakuyana ndi phanganu linu ku mteŵeti winu.

Sumu 119:154

Vikiriyani mlando wangu, ndipo ndisanduskeni mwanangwa; nditaskeni nge ndimo mukupanganirana!