Sumu 119:37 - Tonga Bible 1986

³⁷ Wezgani maso ghangu ku kulereska vyo vyambura chanduwu; ndipaskeni umoyo mu nthowa zinu.

Sumu 119:37 Referans Kwoze

1 Yohane 2:16

Pakuti chose chamu charu nchilakalaka cha nyama, ndi chilakalaka cha maso, ndi chitumbwa cho cha umoyo, kuti nchakutuliya ku Dada cha, kweni nchaku charu cho.

Yesaya 33:15

Yo watenda kwakukongora ndi wakamba kwakurunjika, yo watinkha chanduwu cha muyuzgu yo wasasa manja ghake, vinu ghangako vinda, yo wajara makutu ghake kukuvwa gha kudira ndopa ndipo wajara maso ghake kukuwona uheni.

Nthanthi 4:25

Maso ghako ghalereske kwakudunjika kunthazi, ndipo kuwona kwako kunyolokenge paurongo pako.

Maŵerengedu 15:39

mphonje yikakukumbuskaninga marangu ghose gha Ambuya, kuti mughavwe pa mukayidaŵiranga, mureke kupenja vyamu mtima ndi vyamu maso ghinu, vyo mwaziŵiriya kuvirondo ndi kuzerezeka navyo.

Mateyu 5:28

Kweni ine ndikuneniyani, kuti yose wakulereska munthukazi kumkhumbira, wareŵa nayo kali mu mtima wake.

Sumu 119:40

Ehe, ndikhumbira virunguchizgu vinu; mu urunji winu ndipaskeni umoyo!

Jobu 31:1

“Ndachita phanganu ndi maso ghangu, ndingalereska uli nanga pa mwali?

Nthanthi 23:5

Maso ghako ghachilereska paku cho, mbwenu charuta, pakuti ruŵiruŵi chitijitole mapapa, kuphululuka uli ndi nombo kulata kuchanya.

Sumu 71:20

Imwe mwanditumiya suzgu ndi vyakupweteka, kweni mukandisisipuskanga so; kutuwa ku ndimba za charu chapasi; imwe mukandisoskiyanga so pachanya.

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Sumu 119:25

Mzimu wangu umeremete ku fuvu; mundisisipuske kwakulingana ndi mazu ghinu!

2 Samuele 11:2

Ndipo kunguŵa kuti, zuŵa limoza nyengo ya mazulo, Davidi wati wasoka pa chita po wangugona kupumuwa wachenda pa bagha la nyumba wanguwona munthukazi wachisamba; ndipo wenga munthukazi wakutowa ukongwa.